Эссе гожтӥзы

Ангелина Снигирева
By Ангелина Снигирева Ноябрь 29, 2019 11:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт кыллэн нуналаз, 27-тӥ шуркынмонэ, Сарапулысь культурая «Электрон» дворецысь удмурт культурая центре удмуртъёс люкаськылӥзы.

Сарапулысь кенакъёс удмурт кылын эссе гожъяло
Туспуктэм басьтэмын Сарапулысь «Электрон» культурая дворецлэн «ВКонтакте» бамысьтыз

Нырысь ик ваньзы Удмурт шаермы сярысь видеоролик учкизы, нош собере визьсынанэ пыриськизы. Анай кылмес данъяса, ужрадэ люкаськемъёс эссе-сочинение гожтӥзы.

Ужъёс туж тунсыко пӧрмизы. Кылсярысь, егит пияш Андрей Дядькин гожтэм: «Удмурт кылэз тодон со зарниен тырмытэм бадӟым сандык выллем…». Нош мукетыз — Розалия Дектярёва — малпанъёссэ кылбур чуръёсын кадь гожтэм: «Анай кылын верам мусо инкуазь но чебергес потэ, инбам но чылкытгес адске..». Удмурт анай-атайлэн ӟучомыса быдэсмем нылкышно Ирина Якимова пусъем: «Кырӟанъёсты удмурт кылэ берыктӥсько, соку соос эшшо но шулдыргес но чебергес пото, сюлэмез бугырто. Сюлмыным — мон удмурт». Кылем арын со удмурт кылъя курсэз йылпумъяз но «Вуюись» ансамбле ветлыны кутскиз.

Визь сынан
Туспуктэм басьтэмын Сарапулысь «Электрон» культурая дворецлэн «ВКонтакте» бамысьтыз

Отӥяз визьсынанэ пыриськизы. Одӥг-кык кылын вандылыса сурам визькылъёсты пуштросэзъя радъяно вал. Собере удмурт писательёслэн, кылбурчиослэн творчествозыя юанъёслы валэктон сётӥзы. Жингрес кырӟанъёсын ӝытэз шулдыртӥз «Вуюись» ансамбль. 2-тӥ классын дышетскись Андрей Петровлэн но вылӥ юридической колледжлэн Сарапулысь ёзаз дышетскись Андрей Дядькинлэн кырӟамзы сюлэмез бугыртӥз. Озьы ик городысь удмуртъёслэн ужрадазы мыло-кыдо пыриське педагогической колледжын дышетскись Данил Клещёв, со ик удмурт егитъёслэн «Шунды» огазеяськонзылэн Сарапулысь ёзэныз кивалтэ.

Валентина Емельянова

Ангелина Снигирева
By Ангелина Снигирева Ноябрь 29, 2019 11:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<