Эмъясьёс быръё гуртэз

Ангелина Снигирева
By Ангелина Снигирева Ноябрь 11, 2019 16:52

Эгра ёрос больницаын, эграос сяна, артэ ёросъёсысь висисьёс но эмъясько. Оборудование выльдӥське «Тазалык» нацпроект чотын, ужаны лыкто егит специалистъёс. Та сярысь пыр-поч вераз валтӥсь врач Надежда Поздеева.

 Анестезиолог-реаниматологъёс М. Бекмансуров но А. Савинцев

Эгра ёрос больницаын кемалась ик ӧвӧл усьтӥськиз сюлэм но сэр висёнъёсъя отделение. Нош солэсь азьвыл УЗИ-ез ортчон вылысь висисьёс Воткае ветлоно луылӥзы. Кенешемын вал УЗИ кабинет асьсэ дӥнязы усьтыны, нимысьтыз специалистъёс шедьтӥзы. Тазалыкез утёнъя министерство дэмлаз Дэбес ёросысь калыкез но бордазы кутыны.

— УЗИ ортчытэм сяна, Дэбес ёросысь нылпи вайыны дасяськисьёсты но кутӥськомы, — шуэ Надежда Поздеева. — Эграысь стационарын сюлэм но сэр висёнъёсъя, терапияя, хирургияя но нылпиосты эмъянъя отделениос ужало, висисьёс понна 121 койка чакламын, Зура черкогуртын — 23 койка. Гуртъёсын 30 фельдшер-акушер пунктъёс ужаны кулэ, но 6-яз эмъясьёсмы уг тырмо. Но со гуртъёс вунэтэмын ӧвӧл, отчы вуыло ёрос больницаысь ужасьёс.

Та вакытэ ёросын кулэясько терапевтлы, педиатрлы, акушер-гинекологлы, нош ар пумын пенсие потыны дасясько на, пе, хирург но травматолог. Соин ик егит специалистъёс туж но туж кулэ.

— Арлы быдэ син азямы возиськомы школаез йылпумъясь пиналъёсты, медициная академие мыныны мылкыд карисьёслы направление сётӥськомы, огкыл гожтӥськомы, — шуэ Надежда Поздеева. — Азьвыл аръёсы таӵе огкыллэн нокыӵе кужымез ӧй вал, 2014-тӥ арысен ӟеч дышетскись студентъёсмылы араз одӥг пол 5 сюрс манет сётыны луонлык шедьтӥмы. Туннэ нуналлы 24 сыӵе огкыл гожтэмын, вуоно арын ми доры вуыны кулэ огкылъя дышетскем нырысетӥ врачъёс. Студентъёс огкылэз куспетӥ каро ке, сётэм коньдонмес, 3 пол уноятыса, берыктыны кулэ.

2012-тӥ арысен «Земский доктор» программа улонэ пыӵаны кутскем дырысен ёросэ 28 егит специалистъёс ужаны лыктӥзы, пӧлысьтыз 3-ез гинэ, 5 ар ужаса, кошкизы.

3 ар талэсь азьло Эграе вуиз анестезиолог-реаниматолог Марат Бекмансуров. Вордскемезъя Юкаменск черкогуртысь пияш Эгра каргуртлы вазен ик синмаськемын ни вылэм. Сюрес дуре интыяськем каргурт, пе, Ижевсклы матын, вордскем ёросаз но бертыны кыдёкын ӧвӧл. «Земский доктор» программая вуэм 1 миллион манетэн М. Бекмансуров улон инты басьтэм, кузпалзэ но сьӧраз ваем.

Больницае туэ эшшо 2 мурт вуиз. Одӥгез ужаны кутскем Зураысь участковой больницае, нош мукетыз ёрос больницаын анестезиолог-реаниматолог луиз.

— Калыклы ӝог юрттэт сётон егитысен сюлмам лякиськемын, — шуэ «Земский доктор» программае пыриськись врач анестезиолог-реаниматолог Алексей Савинцев. 
— Ачим мон Ижын вордскемын, медициная академие пыремелэсь азьло ӝог юрттэт сётонъя станциын ужай, студент дыръям но отын ик тырши. Дышетсконме йылпумъяса, Ижевске ик кыльыны косо вал, но мон гурт улонэз бырйи. Эгра больницаен тодматски, со одӥгез адӟем карымонэз луэ, ужаны луонлыкъёс кылдытэмын. Ӟеч врачъёс бордын тодон-валанъёсты будэтыны луонлыкъёс бадӟымесь. Коньдонэн юрттэт бадӟым семьяелы туж иназ луиз. Соку ик ипотекамес пытсамы. Матысь дыре Эграе улон инты басьтыны малпаськомы, нош али, Ижысь ветлыса, ужасько. Кузпалы 3-тӥ пиналэн пуке, дышетскемезъя эмъясь, со но азьланяз та ёросын ик ужаны мылкыд каре.

Эгра больницаын анестезиолог-реаниматологъёссы тырмыт, соос татын 5 кузя, ужало сменаен. Сюлмаськонзы лачак. Угось татчы ик вутто на Эгра ёрослы матысь ёросъёсысь но «Волга М7» сюрес вылын шуккиськон учыре шедьыса секыт сӧсырмемъёсты. Алексей Савинцев верамъя, нуналлы быдэ реаниматологъёс доры 3 но солэсь трос висисьёсты вутто. Секыт висисьёс доры Ижысь санитарной авиация вуэ. Кылсярысь, Эграе вертолёт 8 пол пуксьылӥз ни. Секыт висисьёсты келяны ёрос больницаысь реаниматологъёс котыр ласянь дасяло. 

Валентина Емельянова

Туспуктэмез авторлэн

Ангелина Снигирева
By Ангелина Снигирева Ноябрь 11, 2019 16:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<