Улонысьтыд учыр — киноын!

Удмурт Дунне
By Удмурт Дунне Ноябрь 8, 2019 14:24

Шаерамы удмурт кыллы сӥзем вакчи кино лэсьтыны ӧдъяло. Таин валче «Кыӵе умой удмурт кылэз тодыны!» вожвылъяськон ялэмын.

Отчы пыриськемды потэ ке, улонысьтыды тунсыко (ӝож яке серемес) учыр сярысь гожтэ — со одно ик возьматыны кулэ, удмурт кылэз тодон пайда вае, улонын юрттэ шуыса. Яке вакчияк гожтэ сыӵе учыр сярысь, куке тӥ жаляды, удмурт кылэз уд тодӥське шуыса.

Гожтэмъёсты витё 10-тӥ октябрьысен 20-тӥ ноябрёзь. Электрон амалэн лэзёно udmsvoyokino@mail.ru яке veniamin2003@mail.ru электрон почтаосы. Юанъёсъын вазиськоно, 89635490177 телефон номеръя жингыртыса.

Вормисез быръёзы 1-тӥ декабрёзь. Тужгес тунсыко учырез басьтыса, солэсь сценарий пӧрмытозы, бӧрысь вакчи кино лэсьтозы. Вормисез кузьымен пусъёзы, солэн нимыз кинолэн титръёсаз сюроз. Со сяна, вормись быгатоз пыриськыны киноез лэсьтон уже: сценарий гожтонэ, видео пуктонэ но монтаже. Киноез пӧрмытыны чаклало вуоно арын, апрелёзь.

Та уж Удмуртилэн кунлыкезлы 100 ар тырмонлы сӥземын, кичӧлтӥсьёсыз — «Киноглаз-ов» удмурт студия но «ВЕТР» киношкола. Конкурсэз ортчытыны юртто Удмуртиысь Нациоосын ужан политикая министерство, «Удмурт дунне» газет, «Удмурт Кенеш» но элькынысьтымы мукет огазеяськонъёс но учреждениос.

Сергей Захаров

Удмурт Дунне
By Удмурт Дунне Ноябрь 8, 2019 14:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<