Удмурт кылэз гажась «Гажанчикъёс»

Ангелина Снигирева
By Ангелина Снигирева Ноябрь 29, 2019 16:08

Можга ёросысь Пазял гуртын улӥсьёс понна газетын ужасьёс гурт библиотекаын брейн-ринг ортчытӥзы. Шудонэ 4 команда люкаськиз.

Пазял школаысь дышетӥсьёслэн командазы
Туспуктӥз: М. Егоров

«Удмурт дунне» газетын ужасьёс та гуртэ ӵем вуыло. Пумиськон огшоры гинэ медаз ортчы шуыса, пазялъёслэсь визьзэс сынаны малпамы. Командаосты люкан сярысь сюлмаськизы муниципал кылдытэтлэн йырыз Надежда Кокарева но библиотекаын ужась Надежда Кузнецова. Озьы вакчи дыр куспын командаоссэс кылдытӥзы школаын но нылпи садын ужасьёс, гуртысь егитъёс но лыдӟиськыны яратӥсь арлыдоос.

— Администрациын ужасьёс но егит дышетӥсьёс люкаськыны ӧм пӧрмытэ, — шуэ муниципал кылдытэтэн кивалтӥсь Надежда Кокарева. — 4 команда люкаськемысь но шумпотӥмы, угось ваньзы соос туж аспӧртэмесь.

Командаос нырысь ик асьсэлы ним малпазы. Дышетӥсьёс асьсэды «Гажанчикъёс» шуизы, нылпи садын ужасьёс — «Визьлюкъёс», гуртысь арлыдоос — «Ветеранъёс», нош егитъёс асьсэлы «Кема малпаськисьёс» ним сётӥзы. Визь сынанын юанъёс сӥземын вал газетмылы, Удмуртилэн автономия басьтэмез дырысен 100 ар тырмонлы. Ужрадэ люкаськемъёс нырысь ик «Удмурт дунне» газетлы сӥзем киноен тодматскизы. Шудыны люкаськемъёс пӧлысь куд-огез кылэм-адӟемзэ тетрадяз гожъяз.

Нырысетӥ юан бордысен кутскыса, ӝог но шонер малпаськыны быгатэмзэс возьматӥзы дышетӥсьёс. Ма, кызьы сотэк, пӧлазы вал удмурт кылэз яратӥсь Чувашов кузпалъёс: Наталья Гордеевна удмурт кылъя но литературая урокъёсты нуэ, Олег Анатольевич школаен кивалтэ.

— Шудон туж кельшиз, тунсыко юанъёс малпаськыны, йырвизез сынаны, тодэмдэ но тодымтэдэ сэрттыны-пертчыны юртто, — шуиз «Гажанчикъёс» командаын шудэм Ольга Блинова. — Кышкамы но вал, мае ке ум тодэ, дышетӥсьёс ук, возьытэ усёд шуыса, нош мукет ласянь, юанъёс вормонтэмесь ӧй вал, йырвизез гинэ тросгес бергатоно вал. Туж кельшиз газетлэн валтӥсь редакторезлэсь Зинаида Рябининалэсь капчи удмурт кылын (олокыӵе но туала кылъёсты пыртытэк) вераськемзэ кылзыны.

Та шудонын котькинлэсь трос шонер валэктонъёс сётӥз дышетӥсьёслэн командазы: Наталья но Олег Чувашовъёс, Зинаида Старкова, Ольга Блинова но Ольга Иванова. Соос ик редакцилэсь кузьымзэ — энциклопедия басьтӥзы.

Нош монэ паймытӥз «Ветеранъёс» командаысь Николай Дерягин. Ас вакытаз со трос аръёс ӵоже клубен кивалтэмын, бригадирын ужамын, нош табере, пе, пенсиын шутэтскисько. Газеттэк улонэз син азяз пуктыны уг быгаты. Выль номерез ческыт пыжиськемез кадь вите, почтальон лыктон нуналэ укно дорысьтыз ик уг кошкылы, пе. Озьы соос Галина Федотовна кузпалэныз газетэз черодэн лыдӟо. Газетэн герӟаськем брейн-ринг шудон но кельшем, но тодэм валэктонъёсмес но шонертэм вераськеммы, пе.

— Ветеранъёс уга, укыр мур но дыг малпаськимы, лэся. Котькуд юанысь маке ватоссэ утчаны тыршимы. Ӧм ке но ворме, капчи мылкыд басьтӥмы, — шуиз Николай Николаевич.

Валентина Емельянова

Ангелина Снигирева
By Ангелина Снигирева Ноябрь 29, 2019 16:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<