«Удмурт дунне» нош ик ӧте пыриськыны «Гурт адями 2019» конкурсаз

Ангелина Снигирева
By Ангелина Снигирева Ноябрь 8, 2019 11:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Гурт адями» конкурс туэ паськытгес ортчоз. Гуртоос понна сюлмысь адямиосты пусъён сяна, луозы на социальной рекламая но туспуктэмъёсын конкурсъёс.

«Гурт адями» вожвылъяськон кылдытэмын гуртын улӥсь но гурт удысын тыршись адямиослэсь данзэс ӝутон, соослэсь ӟеч но азинлыко ужан амалъёссэс калыке вӧлмытон вылысь. Та конкурс юрттэ ас гуртсэ азинтон но калыкезлы ӟеч карон понна тыршись тужгес устооссэ адямиосты калыклэн нимыныз пусйыны.

«Гурт адями» конкурс радъяськоз 2 люкетлэсь:

— 1-тӥ ноябрьысен 31-тӥ декабрёзь редакцие ӵектоно премиен пусъёно адямиез (номинантэз) — гожтоно нимтулзэ, вакчияк характеристиказэ, луэ ке — со сярысь зарисовка.

Номинантъёслэн нимтулъёссы но соос сярысь гожтэмъёс печатласькозы «Удмурт дунне» газетын.

— 1-тӥ январьысен 31-тӥ январёзь экспертъёслэн кенешсы номинантъёсын списокез шараялоз — «Удмурт дунне» газетэ, газетлэн сайтаз, социальной вотэсъёсысь группаосаз, Журналистъёслэн огазеяськонзылэн группаяз но мукет ивор вӧлмытон ёзъёс пыр вӧлмытоз но куара сётон (голосование) ялоз.

Куара сётыны луэ пӧртэм амалъёсын:

— гожтэтъёс пыр (дурбасьтӥсьёслэн кинюртэмъёсынызы);

— Интернет пыр (газетлэн сайтаз, «Фейсбукысь», «ВКонтактеысь», «Одноклассникиысь» группаосаз.

Дунъян

Дунъясьёс котькуд номинацияя вормисез быръёзы. Соослэн нимтулъёссы ялэмын луозы «Удмурт дунне» газетлэн вордскем нуналаз — 2020-тӥ арын 4-тӥ феврале.

Котькуд номинацияя быдэн одӥг вормись кузьымен но дипломен пусъемын луоз. Ӟечкылан-данъян ужрад ортчоз 2020-тӥ арын май толэзе Ижкарын.

Юалляськоно 8-951-195-37-66 телефонъя ужан нуналъёсы (Ангелина Снигирёва). 

«Улӥз ке гурт — улоз Россия» социальной рекламая конкурс

Социальной рекламая конкурс радъяське калыклэсь гурт улон но гуртоос сярысь малпанзэ но мылкыдзэ ӟеч пала воштон, творчествоен тунсыкъяськисьёслы асьсэды эскерыны луонлык сётон но реклама лэсьтон амалъёсты азинтон вылысь.

Радъясьёс

Социальной рекламая конкурсэз радъяло Удмуртиысь Журналистъёслэн огазеяськонзы но «Удмурт дунне» газетлэн редакциез.

Куронъёс

Конкурсэ ӵектыны луэ аудиороликъёс яке баннеръёс/плакатъёс/листовкаос…

Газет-журналлы реклама. Ыстоно пӧртэм амалъёсын быдэстэм, газетэ-журналэ печатланы ярамон суредъёс яке туспуктэмъёс, компьютерен быдэстэм графика — JPEG/TIFF, разрешениез — 300 dpi, яке печатлано А4 форматэн бумага вылэ. Рекламаын одно луыны кулэ кыӵе ке малпанэз (идеяез, лозунгез).

Интернет-баннер. Дасяно интернет-сайтъёсы интыяны ярамон анимированной яке статической баннер.

Аудиоролик. Куараё файл, гожтоно DVD яке мукет носитель вылэ — мед лыдӟиськоз Windows Media Player программаын, бордаз ватсано роликлэсь текстсэ. Ролик 1 минутлэсь кузь луыны кулэ ӧвӧл.

Ужъёсты быдэстоно удмурт кылын. Конкурсэ пыриськыны быгато вань мылкыд карисьёс, арлыдзы шоры учкытэк. Тужгес усто ужъёс печатламын, Интернетэ пуктэмын луозы.

Ужъёс бордын луыны кулэ заявка (авторез сярысь ивор: нимтулды, арлыдды, кытысь луэмды, кыӵе ужен выремды, телефонды) но расписка (конкурсэ ыстэм ужъёстэс радъясьёслы уже кутыны лэзиськоды шуыса).

Ортчытон дыр

Ортчытӥське 2019-тӥ арын 1-тӥ ноябрьысен 2020-тӥ арын 1-тӥ февралёзь. Ужъёсты ыстоно «Удмурт дунне» газетлэн редакцияз яке газетлэн электрон адресаз udmdunne@yandex.ru, «Фейсбукысь», «ВКонтактеысь», «Одноклассникиысь» группаосаз 1-тӥ февралёзь.

Ужъёсты дунъялоз нимысьтыз люкам жюри. Быръемын луоз 3 устоез уж. Усто ужъёс печатласькозы газетъёсын-журналъёсын, аудиороликъёс бергатӥськозы «Мынам Удмуртие» радиотулкымъёс вылын. Вормисьёсты пусъён ортчоз 2020-тӥ арын май толэзе — 3 устоосыз басьтозы дипломъёс но кузьымъёс.

Одно ик тодматскелэ — пыр-поч ивортон интыямын «Удмурт дунне» газетлэн сайтаз.

Юалляськоно 8-951-195-37-66 телефонъя ужан нуналъёсы (Ангелина Снигирёва). 

«Мон гуртын улӥсько» фотоконкурс


Туспуктӥз В. Емельнова

«Мон гуртын улӥсько» фотоконкурс радъяське гуртын улӥсьёслэн сюлмаськонъёссылы саклык висъян, гурт улонэз данъян вылысь.

Радъясьёс

Конкурсэз радъяло Удмуртиысь Журналистъёслэн огазеяськонзы но «Удмурт дунне» газетлэн редакциез.

Куронъёс

Конкурсэ пыриськыны быгато Удмуртиын улӥсь вань мылкыд карисьёс, ужъёссы конкурслэн темаезлы тупало но авторлэн правоез сярысь куронъёсты уг тӥяло ке. Ужъёсын луыны кулэ ӧвӧл вӧсь каремез, адямиез расаез, осконэз яке национальностез понна ултӥямез возьматӥсь суредъёс. Котькудӥз автор быгатэ 10-ысен 20-ёзь буёло яке сьӧдэн-тӧдьыё ужъёссэ келяны.

Конкурсэ пыриськон понна яра ужъёсты фотобумага вылэ печатланы (размерез 20х30 сантиметрлэсь пичигес медаз лу) яке электрон амалэн келяны (JPEG яке TIFF форматэн).

Туспуктэмъёсын ӵош келяно заявка (нимтулдэс, арлыддэс, кытысь луэмдэс, кыӵе ужен выремдэс, телефондэс пусйыса) но расписка (конкурсэ ыстэм ужъёсты радъясьёсты уже кутыны лэзиськоды шуыса).

Ужъёсты (туспуктэмъёсты) келяны луэ рамкаостэк, паспартутэк. Уждылэсь нимзэ пусъелэ туспуктэмлэн мышказ, электрон амалэн келясьёс — гожтэтэн.

Конкурсэ келяны луэ пӧртэм жанрен лэсьтэм туспуктэмъёсты: портрет, пейзаж, коллаж, фотоэтюд но мукет.

Конкурслэн куронъёсызлы тупасьтэм туспуктэмъёс учкемын уз луэ.

Редакцие печатласа ыстэм ужъёсты радъясьёс почта пыр уг берыкто — автор быгатэ ужъёсызлы ачиз лыктыны.

Ортчытон дыр

Туcпуктэмъёсты келяны луоз 2020-тӥ арын 1-тӥ февралёзь «Удмурт дунне» газетлэн редакцияз: Ижевск город, К. Маркс ульча, 274 номеро юрт яке таӵе электрон адресъёсъя: udmdunne@yandex.rusnigelya@mail.ru

1-тӥ мартозь жюри конкурсэ ыстэм усто ужъёсты быръёз — соослэсь дасямын луоз фотовыставка. Выставкалы фотоосты быдэсак дасяло (печатлало, рамка басьто, оформлять каро) конкурсэз радъясьёс.

Вормисьёс шараямын луозы май толэзе. Быръемын луозы нимаз профессионалъёс но профессионал луисьтэмъёс пӧлысь быдэн 3 вормись: 1-тӥ, 2-тӥ, 3-тӥ инты. Вормисьёс басьтозы дипломъёс но кузьымъёс.

Одно ик тодматскелэ конкурс сярысь быдэсак положениен — пыр-поч ивортон интыямын «Удмурт дунне» газетлэн сайтаз.

Юалляськоно 8-951-195-37-66 телефонъя ужан нуналъёсы (Ангелина Снигирёва)

Конкурсъёслэн положениосыз татын:



Ангелина Снигирева
By Ангелина Снигирева Ноябрь 8, 2019 11:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<