Удмуртъёсты дунъязы Эстониын

Ангелина Снигирева
By Ангелина Снигирева Ноябрь 8, 2019 09:17

Эстониысь ӵыжы-выжы калыкъёслы сӥзем программа улсын арлы быдэ пусъё Урал калыкъёс пӧлысь вормон басьтэм муртъёсты. Туэ 2 удмуртъёсты висъязы!

И. Самигулова

Наукаез азинтӥсьёс пӧлын Николай Анисимовлэн «Диалог миров» в матрице коммуникативного поведения удмуртов» монографиез адӟем карымон луиз. 2017-тӥ арын со Николайлы философияя но фольклористикая докторлэсь нимзэ басьтыны юрттӥз. Книгаын пыр-поч эскеремын удмуртъёслэн осконзы, кылсярысь, кызьы удмуртъёс ӵыжы-выжыоссэс вато, буре ваё. Со сяна, жюри синйылтӥз монография пумысь справочникез но: отын вакчияк удмуртъёслэн осконъёссы сярысь гожтэмын.

Та программа улсын ик пусйизы урал кыл группае пырись кылъёсын гожъяськись кылбурчиосты но писательёсты. 14 фин-угор писательёс пӧлысь хант Валентина Соловарез, мордва Геннадий Гребенцовез но удмурт Ирина Самигуловаез бырйизы.

Н. Анисимов

Башкириысь удмурт нылкышнолэсь Ирина Самигуловалэсь «Зангариё пальпотон» кылбур бичетсэ жюри вылӥ дунъяз, узыр кылтӥрлыксэ, удмурт кылын быгатыса гожъяськемзэ пусйиз. 2019-тӥ арын печатлам сборниказ удмурт кылбуръёс ӟуче берыктыса но поттэмын. Озьы авторлэсь кылбур дуннезэ удмурт кылэз тодӥсьтэмъёслы но валаны капчи.

Мария Емельянова

Ангелина Снигирева
By Ангелина Снигирева Ноябрь 8, 2019 09:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<