Удмуртиысь 5 ужрадъёс событийной туризм удысын национальной премиен пусъемын

Related Articles

• «Удмурт дунне» газет ялэ «Гурт адями-2017» ӵошатскон 0 16.Ноя
• Маймыл — коӵыш ӧвӧл, солэн интыез инкуазьын 0 04.Дек
• Гергиев мерттӥз беризь 0 19.Май

Ортчем шутэтскон нуналъёсы Самараын событийной туризм удысын национальной премиез люкылонъя Russian Event Awards 2019 конкурс ортчиз. Со 2012-тӥ арысен ортчылэ Россиысь туризмез азинтонъя федерал агентстволэн юрттэмъя. Вожвылъяськонын Удмурт шаерамы ортчылӥсь 5 ужрадъёс бадӟым премиен данъямын вал.

Озьы Тол Бабайлэн дораз выжыкыл геройёслэн фестивальзы Гран-при утӥз — со конкурслэн валтӥсь вормонэз. Кызьы вера, Экономикая министерствоысь туризмъя ёзэтлэн кивалтӥсез Юлия Железняк, Удмурт шаер понна событийной туризм удысын со нырысетӥез табыдӟа вормон.

Та сяна, Гурт удысысь устоез ужрад номинациын нырысетӥ инты утӥз Вотка ёросын арлы быдэ ортчылӥсь тракторен биатлон. Радъясьёссэ ӧтизы пыриськыны Санкт-Петербургын ортчылӥсь инвестициосъя форуме.

Кыкетӥ интыын — Пётр Чайковскийлэн дораз Выль ар каникулъёс. «Пельняньысен Китаёзь» но «Эктоникалэн» «Табань fest» проектъёс 3-тӥ интыен пусъемын.

Озьы ик нимысьтыз кузьымен пусъемын Сарапулысь «Пряничное настроение» проект. Радъясьёсыз ӧтемын «Интурмаркет» туризмъя калыккуспо адӟытонэ пыриськыны.

УД