Удмуртиысь сӧсыр адямиос циркын шоу учкизы

Ангелина Снигирева
By Ангелина Снигирева Ноябрь 29, 2019 16:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Сӧсыръёсты арлы быдэ люкало цирке
Туспуктэм: Ужъя, калыклы улон-вылонын юрттон политикая министерстволэн пресс-службаез

Сӧсыръёсты Ижысь цирке люказы инвалидъёслэсь нуналзэс пусъён азьын. Дуннеын сое 3-тӥ декабре пусъё. Удмуртиын 110 сюрс инвалидъёс уло, пӧлысьтызы 6 сюрсэз – нылпиос. 
2003-тӥ арысен кутскыса, Удмуртиысь сӧсыръёсты люкало Ижысь цирке. Татын соос понна мастер-классъёс, визь-кенеш сётон ужрадъёс ортчо. Туннэ но циркын радъяськиз адӟытон. Отчы вуэм калыклы удалтӥз адӟыны Москваысь циркез — Багдасаровъёслэсь номеръёссэс. 
— Инвалидъёслы адӟытон возьматоно шуизы но, ми соку ик соглаш луим. Шумпотымон, Удмуртия тазьы быгатэ шуыса. Цирке вуылэм адямиосты тодэ ваёнъёссы шунтозы быдэс ар ӵоже. Цирк – со шумпоттӥсь искусство. Учкись 2,5 час ӵоже вунэтэ аслэсьтыз куректонзэ, сюлмаськонзэ, залысь потэ праздник мылкыдын, — шуиз Россиысь дано артистка Карина Багдасарова. 
Туэ Удмуртиын сӧсыръёслы сӥзем нуналъёсты вазьгес радъязы. Уго 1-тӥ декабрьысен 3-тӥ декабрёзь шаерамы ортчозы Сӧсыръёс пӧлын творчествоя 1-тӥ шудонъёс. Отын кужымзэ мерталоз 389 адями. 
— Инвалидъёс вожвылъяськозы 8 пӧртэм удысъя. Соос понна дасесь площадкаос. Шудонъёсты учкыны быгатэ котькуд мылкыд карись мурт, — ивортӥз Правительстволэн Тӧроезлэн воштӥсез Анастасия Муталенко. 
Вераны кулэ: миым шаерамы радъяськизы Калыкуспо Парадельфийской шудонъёс. Соосты азинтыса, Удмуртиын чакламын ортчытъяны Творчествоя ӵошатсконъёс.

Алёна Ионина

Ангелина Снигирева
By Ангелина Снигирева Ноябрь 29, 2019 16:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<