Удмуртиез вылӥ дунъязы «Кышкыт луисьтэм но ӟеч сюресъёс» нацпроектэз быдэсъямез пумысен

Ангелина Снигирева
By Ангелина Снигирева Ноябрь 20, 2019 13:52

Удмуртилэн Тӧроез Александр Бречалов пумиськылӥз Россиысь транспортъя министрен Евгений Дитрихен, вераськиз Ижысь аэропортэз выльдон сярысь. Кенешон ортчиз «Транспорт арня — 2019» программа улсын.

Данъет басьтон дыръя
Туспуктэм: басьтэмын udmurt.ru

Быдэс Россиысь бадӟым сюресъёсты, аэропортъёсты котыр ласянь азинтон понна план кутэмын. Со 2024-тӥ арозь чакламын, та ужъёслы 7 триллион манет висъяськоз. Таӵе выльдӥськонъёс юрттозы улосъёсы инвестициос кыскыны.

А. Бречалов Ижысь аэропортэз выльдон сярысь ужпум ӝутӥз. Со ужбергатонэз гинэ ӧвӧл, быдэс улосэз азинтыны юрттысал.

— Аэропортмы 1974-тӥ арын усьтэмын, со дырысен номыриз рос-прос ӧз воштӥськылы, — вераз Тӧро. — Озьы бизнесэз элькунэ уд кыскы. Мон уноеныз ужбергатӥсьёсын кенеши, соос ӵемгес мукет городъёсысен, Пермьысен яке Набережной Челныысен, лобало. Озьы арлы быдэ ми ыштӥськом ог 40 сюрс пассажиръёсты. Али вань луонлык выль аэропорт пуктыны, 2024-тӥ арозь чакласьком выльдыны лобӟон-пуксён полосаез.

Данъет
Туспуктэм: басьтэмын udmurt.ru

2018-тӥ арысен Удмуртия кусып тупатӥз «Аэрофлот» компаниен. Табере, «Ижавиалэн» сяна, та предприятилэн но самолётъёсыз лобаны ӧдъязы. Озьы кӧня ке дыр куспын пассажиръёслэн лыдзы будӥз, азьвыл ар куспын 235-240 сюрс адями лоба вал ке, али лыдпус 350 сюрсозь ӝутскиз.

Транспортлы сӥзем арня дыръя Москваын озьы ик ортчиз конференция. Отын эскеризы национальной проектъёсты быдэсъян макем зол юрттэ Россиысь сюресъёсты выльдыны. Йылпумъянъёс лэсьтэмын вал «Кышкыт луисьтэм но ӟеч сюресъёс» нацпроектлы. Удмурт Элькун сое быдэстон ласянь одӥгез устоез шуэмын.

Сергей Захаров

Ангелина Снигирева
By Ангелина Снигирева Ноябрь 20, 2019 13:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<