Тӧролы юанъёс ичигес уг луо

Ангелина Снигирева
By Ангелина Снигирева Ноябрь 29, 2019 16:29

Толэзьлы быдэ Удмуртилэн Тӧроез Александр Бречалов радио пыр меӵак эфирын валэктон утча шаерамы улӥсьёслэн юанъёссылы.

«Комсомольская правда» радиолэн эфираз
Туспуктэм: udmurt.ru

27-тӥ ноябре Тӧроен ӵош калыклэсь сюлмаськонъёссэ кылзӥз калыкез улон-вылонын утён политикая но ужъя министр Татьяна Чуракова.

Таяз эфире 700-лэсь трос юан вуиз. Уно сюлмаськонъёссэс кисьтӥзы Удмуртиысь трос нылпиё семьяос. Соослэн юанъёс­сы герӟаськемын льго­та­ослэн быдэсъяськеменызы. Кылсярысь, 1-тӥ ию­льысен Удмуртиысь Пра­­вительстволэн постановлениезъя выль сямен лыдъяны кутскизы трос ныл­пиё семьяослэсь огъя доходзэс. Соин валче 3 толэзь куспын ог 260 семьяын улон югдурзы секытгес луиз: пиналъёссы уг ни быгато школаын дунтэк сиськыны но транспортэн дунтэк ворттылыны.

— Республикаын 21 сюрс 292 трос нылпиё семьяос. Пӧлысьтызы 17 сюрс 244-ез ёрмись лыдъяське. Арлы быдэ трос нылпиё семьяослы юрттон вы­лысь бадӟымгес коньдон сётӥське. Кылсярысь, 2018-тӥ арын 299 миллион манет висъямын вал, туэлы 449 миллион манет чакламын. Озьы ке но сюлмаськытӥсь ужпумъёс ша­раясько бере, министрез ку­рисько та юанэз сэрттыны-пертчыны, — шуиз Александр Бречалов.

Трос нылпи будэтӥсь­ёслэн мукетыз ужпумзы — музъем кесэг басьтон. Кылем арын Тӧролэн косэмезъя пуктӥськыны участок сётъямысь дуг­дӥзы. Малы ке шуоно азьвыл аръёсы висъям участокъёсын сюресэз но, электротылыз но, газэз но ӧй вал.

— Али кутскимы Иж вӧзысь Люлли микрорайонэ инфраструктура кылдытыны. Собере басьтӥськомы Дэри ёросысь Пыӵанки гуртысь участокъёс борды. Музъемлы черодэ султэм семьяослы 2020-тӥ арын музъем висъяны кутском. Но отын нимысьтыз куронъёс луозы. Нырысь ик: сюрес но газ медло. Кыкетӥ курон: корка пуктытозь, участок сётӥськоз арендае гинэ, — вераз Тӧро.

Ёросъёсын улӥсьёс ӝож­­­­тӥськизы, ульчаос ала­ма югдытэмын шуыса. Кыл­сярысь, Ува посёлокын тём-тём — 282 юбоын лампочка уг ӝуатскы. Сы­ӵе ик югдур Можга городын. Александр Бречалов оскытӥз: юбоосын тылъёс ӝуатскозы.

Елена Скворцова

Ангелина Снигирева
By Ангелина Снигирева Ноябрь 29, 2019 16:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<