Семьяосазы котьку шуныт

Ангелина Снигирева
By Ангелина Снигирева Ноябрь 22, 2019 15:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

1998-тӥ арын Россиын юнматэмын вал Анайлэн нуналэз. Сое пусйиськомы ноябрьлэн берпуметӥ арнянуналаз.

А. Бречалов Грак ёросысь В. Атамановаез ӟечкыла

Анайлэсь нуналзэ пусъён улсын 22-тӥ ноябре Ижысь кун филармониын «Анайлэн данэз» гадьпус сётэмын луоз элькунысьтымы 26 нылкышноослы. Та пус шаерамы юнматэмын вал 2005-тӥ арын. Со дырысен гадьпус сётэмын ни трос нылпиё 714 нылкышноослы.

Туэ данъяно анайёс пӧлысь тужгес мӧйыез — Грак ёросысь 80 аресъем Валентина Атаманова. Кузпалыныз ӵош соос будэтӥзы 4 нылъёссэс. Нош егитъёсызлы анайёслы 50 арес но тырмемын ӧвӧл на: Вавож ёросысь Лариса Лапина 6 пиналъёссэ уте-вордэ, гурт удысын но синмаськымон тырше. Можга ёросысь Мельниково гуртысь 44 аресъем Надежда Колесникова 4 нылпиоссэ будэтэ. 2002-тӥ арын вордскем Мария нылыз кылем арын пусъемын Россиысь спасательёслэн огазеяськонзылэн «За мужество в спасении» медаленыз, Россиысь МЧС-лэн Таукаронэныз. Кылем гужем та кышкасьтэм нылаш вуэ выйись эшсэ утиз.

Филармоние люкаськизы шаерысьтымы адӟем карымон анайёс

Эгра ёросысь Галина Шкляева пыд вылаз султытӥз 4 пиоссэ. Владимир пиез, Рязаньысь воздушно-десантной командной училищеез йылпумъяса, та вакытэ кивалтэ воздушно-десантной войскоосысь специальной назначениея 45-тӥ бригадаысь группаен. Пусъемын «За отвагу» медален. Нош Можга городысь Нонна Сорокина огназ будэтэ 4 нылпиоссэ. 7 ар талэсь азьло улонысь кошкиз кузпалыз — со Свято-Троицкой черкын баӵко вал.

«Анайлэн данэз» нимын пусъем нылкышноослы быдэн 20 сюрс манет висъяське, «Удмурт Республикалэн ужысь ветеранэз» ним сётӥське.

Елена Никитина

Туспуктэмъёс: udmurt.ru

Ангелина Снигирева
By Ангелина Снигирева Ноябрь 22, 2019 15:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<