Пумиталлязы султыса

Ангелина Снигирева
By Ангелина Снигирева Ноябрь 6, 2019 09:20

18-тӥ коньывуонэ Башкортостанысь Янаул ёросысь Каймашабаш школаын улосвылкуспо конференция ортчиз. Со дышетӥсь, кылбурчи, югдытӥсь, революционер Максим Прокопьев вордӥськем дырысен 135 ар тырмонлы сӥземын вал. Ужрадэ Башкортостанысь, Татарстанысь, Пермь улосысь, Удмурт Элькунысь делегациос вуылӥзы.

М. Прокопьевлы буре ваён пул усьтон дыръя
Туспуктӥз Ирина Самигуллова

Татарстанын вордӥськем Максим Прокопьев дыше­тӥсь луыса Каймашабаш школаын ужаны кутскиз. Татчы со, Казаньысь учительской семинариез йылпумъяса, вуиз. Со сярысь кылем арын вераськизы Елабугаын, удмуртъёслэн нырысетӥ отчамзы дырысен 100 ар тырмонлы сӥзем конференциын. Отын ик Башкириысь делегация малпанзэ шараяз — дышетӥсьсэс данъяса, бадӟым ужрад ортчытоно.

Каймашабашын конференция школа борды буре ваён пулэз усьтонэн кутскиз.  

— Максим Прокопьев Каймашабашысь 2 классъем земской школаын 4 ар ужамын. Со Школьной ульчаын вылэм. Табере со интыын улон корка сылэ.  Та буре ваён пул пиналъёсмылы нуналлы быдэ тодазы мед вайытоз, анай кылзэс гажано шуыса, — вераз Каймашабаш школалэн азьвыл директорез Гафурьян Мардамшин.

Озьы ик вераськизы Максим Прокопьевлэн вордӥськем палъёсысьтыз но ужам интыосысьтыз вуэм делегатъёс. Шуныт кылъёсын вазиськизы Татарстанысь удмуртъёслэн автономизылэн огез азьветлӥсез Марина Иванова, Камсьӧр удмуртъёслэн огазеяськонзылэн тӧроез Флюра Чибышева, Башкортостанысь удмуртъёслэн огазеяськонзылэн кивалтӥсез Салимьян Гарифуллин но мукетъёсыз.

— Адями улонысь кошке ке но, со калык пӧлын улэ сомында ар ӵоже, кӧня сое тодазы возё. Максим Прокопьев бырем дырысен 100 ар ортчиз ни. Шумпотымон, сое туннэ нуналын но сӥлы каро, — вераз Марина Иванова. — Соин ик азьпалан но Прокопьевлэсь кутскем ужзэ азинтон вылысь удмуртлыкмес, анай кылмес утьыны семья бордысен кутсконо.

Пумиськонлы аспӧртэм шӧм пыӵатӥзы Каймашабаш школаын дышетскисьёс. Соос концерт пуктӥзы. Кырӟазы, эктӥзы, Максим Прокопьевен герӟаськем пичияк сценка возьматӥзы.

Конференциын докладъёс но чузъяськизы. Кылсярысь, тунсыко потӥз дышетскисьлэн Альбина Башировалэн эскерон ужез. Со Максим Прокопьевлэн дышетон, улон сюресэз, семьяез сярысь вераз.

— Каймашабашысь арлыдо песянай Мелызиян Султанаева мадиз вал, Максим Прокопьев нуназе нылпиосын ужам, нош ӝытазе — бадӟымъёсын. Тодон-валан сётэм сяна, со гурт калыкез чылкытлыкез валаны но дышетэм. Вераськоназ весяк удмурт, ӟуч, бигер но башкир кылъёсты кутылэм. Калык сое котьку султыса пумиталлям, — шуиз Альбина.

Максим Прокопьевлэн улон сюресэз туж вакчи ке но вал (улонысь кошкиз Граждан ож вакытэ 35 аресаз), удмурт калык понна со мертаны луонтэм бадӟым уж лэсьтыса кельтӥз. Удмуртъёслэн нырысетӥ ӧтчамзылэн кичӧлтӥсез луиз. Школа усьтӥз, удмурт класс кылдытӥз, удмурт калыкез дышетон но югдытон сярысь сюлмаськиз.

Наталья Михайлова

Ангелина Снигирева
By Ангелина Снигирева Ноябрь 6, 2019 09:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<