М. Калашниковез буре ваизы Удмуртиын

Удмурт Дунне
By Удмурт Дунне Ноябрь 10, 2019 17:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Синпелет доры сяськаос тыремын

Туннэ, 10-тӥ ноябре, 100 арес тырмысал быдэс дуннелы тодмо луэм конструкторлы Михаил Тимофеевич Калашниковлы. Ижын ортчизы сое буре ваён но данъян ужрадъёс: кун ёзъёсын кивалтӥсьёс, шоркарын улисьёс Ялан ӝуась тыл дорысь М. Т. Калашниковлэн синпелетэз дӥне сяськаос понӥзы, Дун-чылкыт Михаил Архангеллэн черказ солы сӥзем богослужение ортчиз. Туннэ ик усьтӥськизы Ижысь М. Т. Калашниковлэн музейысьтыз выльдэм экспозициосыз: учкисьёс табере тодматскыны быгатозы выль адӟытонъёсын — «Калашников: траектория судьбы», «Калашников: для охоты и спорта», «Оружие эпохи Калашникова». Уноез соос учкисез гочатон понна интерактивной, уката таӵе выль луонлык кельше нылпиослы. Озьы ик ужрадын возьматэмын вал танклэн макетэз. Угось М. Калашников Быдӟым ож вакытэ танкист вал, зол сӧсырмыны шедиз.

Ужрадэ трос егитъёс пыриськизы

Данъян ужрадэ пыриськизы М. Калашниковен ӵош ужам адямиос, дано оружейникъёс, кун ёзъёсысь кивалтӥсьёс. Кызьы вераз музейлэн кивалтӥсез Ольга Минервина, музее кылем ар куспын вуылӥз 160 сюрслэсь ятыр адями — учкисьёслэн лыдзы арысь аре йылэ. М. Т. Калашниковлэн данэз уз кысы дауръёсын, пусйизы выльдэм музеез усьтонэ пыриськемъёс.

Елена Никитина

Туспуктэмъёсыз авторлэн

Удмурт Дунне
By Удмурт Дунне Ноябрь 10, 2019 17:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<