«Мынам Удмуртие» — ОТР-ын

Ангелина Снигирева
By Ангелина Снигирева 20 ноября, 2019 12:56

Туэ тулыс Удмурт шаер выжиз цифровой вещание вылэ. Калык табере 20 федерал каналэз дунтэк но вылӥ ӟечлыкен учке.

Цифровой вещание вылэ выжемен валче «Удмуртия» («Мынам Удмуртие») телерадиокомпанилэн луонлыкез кылдӥз федерал канал — «Общественное телевидение России» (ОТР) — пыр но передачаоссэ возьматыны. Озьыен, «Мынам Удмуртие» телеканалэз учкыны быгатомы, кабель но спутник пыр гинэ ӧвӧл, одӥгез валтӥсь федерал канал пыр но. «Удмуртия» телерадиокомпанилэн кивалтӥсез Марина Городилова ивортэмъя, вещание мытэмын луоз 29-тӥ ноябрьысен: ӵукналы быдэ — 7 часысен 8 часозь, котькуд ӝытазе — 6 часысен 7 часозь. Арня ӵоже возьматъялозы иворъёсты, нош шутэтскон нуналъёсы — пӧртэм авторъёслэсь-журналистъёслэсь тунсыко передачаоссэс. ОТР канал улос вещанилы нуналаз 5 чассэ но висъяны дась, но нырысь-валысь тырмоз ай 2 часэн гинэ, азьланяз вещанимес кузёмытыны тыршом, шуиз М. Городилова.

ОТР курон пуктӥз: передачаос чузъяськыны кулэ ӟуч кылын гинэ. М. Городилова пусъемъя, оскон вань, матысь дыре ОТР пыр удмурт, бигер кылъёсын но передачаос чузъяськозы шуыса.

Нош телевизорез кабель но спутник пыр учкисьёс понна «Мынам Удмуртие» передачаоссэ возьматэ уен-нуналэн. Кабель антенна пыр учкисьёс сое шедьтыны быгатозы 21-тӥ кнопкаысь. Каналэз озьы ик нокыӵе шугъяськонъёстэк учкыны быгато «Триколор» но «Телекарта» тэркы возисьёс но. Но калыклэсь уно вазиськонъёс вуо, спутник пыр «Мынам Удмуртиез» шедьтыны курадӟо шуыса. Телевизорды уг возьматы ке, озьыен, сое пультэн настроить кароно. Со понна настройкаосысь быръёно «Триколор» папкаез, отысь шедьтоно «Региональное ТВ» гожтэмез, быръёно «Удмуртия» чурез: телеканал 827-тӥ кнопкаын усьтӥськыны кулэ. «Удмуртия» телеканалэз утчано «Телекарта» пыр но — настройкаосысь.

Цифровой вещание пумысен юанъёсты кыл-дӥзы ке, вазиськыны быга-тӥськоды 8-800-220-20-02 телефонъя яке смотрицифру.рф сайт пыр.

Елена Никитина

Ангелина Снигирева
By Ангелина Снигирева 20 ноября, 2019 12:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<