Ми сямен — быдэс дуннеын

Ангелина Снигирева
By Ангелина Снигирева Ноябрь 22, 2019 12:17

2-тӥ арзэ ини быдэс дуннеын Удмурт кыллэсь нуналзэ пусъёзы. 27-тӥ шуркынмонэ пӧртэм огазеяськонъёс анай кылмылы сӥзем ужрадъёс ортчытыны малпало.

Нациосын ужан политикая министерство но Ижкарысь Эшъяськон юрт егитъёслэн «Шунды» огазеяськонэнызы ӵош удмурт кылэн тодматӥсь урокъёс ортчытозы. Озьы удмуртлыкен тунсыкъяськисьёслэн но удмурт кылэз дышетыны мылкыд карисьёслэн лыдзы будоз. Акцие пыриськыны школаос но, библиотекаос но, заводъёс но быгатозы. Эшъяськон юртлэн вотэс бамаз урокез ортчытыны юрттӥсь пособие интыямын ни.

Нош егитъёслэн «Юмок» театрысьтызы актёръёс «Лудорвай» музейлэн выль залаз Дарали Лелилэсь «Алнаш зомби» пьесазэ лыдӟозы.

Сарапулын «Яратӥсько удмурт кылме» темалы эссеос гожтозы но устооссэ быръёзы. Озьы ик «Вуюись» ансамбльлэн концертэз, удмурт писательёслы сӥзем викторина ортчозы.

26-тӥ шуркынмонэ удмурт литература сярысь вераськыны дэмла «Кенеш» журнал. «Туала удмурт литература: шедьтонъёс но ыштонъёс» котырес ӝӧке вань мылкыд карисьёсты ӧтча. Нош Вера Пантелеева тодосчи Москваын 20-тӥ даурысь удмурт литературалэн сюресэз сярысь мадёз.

Кылем аре сямен ик, Удмурт кыллэсь нуналзэ кунгож сьӧрын но пусъёзы. Венгриын Сегед карысь университетын Ашальчи Окилэн улонэз но творчествоез сярысь вераськозы, удмурт кырӟанъёсты быдэстозы.

Удмурт кыллэсь нуналзэ пусъён сярысь вераськонъёс кемалась ветлӥзы вал ни, но сое 27-тӥ ноябре ортчытъян сярысь решение 2018-тӥ арын Елабугаын удмуртъёслэн 1-тӥ съездзылэн 100 ар тырмонэзлы сӥзем конференциын кутӥзы. 2001-тӥ арын 27-тӥ шуркынмонэ удмурт кыл кун кыл сямен юнматэмын вал.

Мария Емельянова

Ангелина Снигирева
By Ангелина Снигирева Ноябрь 22, 2019 12:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<