Милям дышетӥсьёсмы устоесь!

Ангелина Снигирева
By Ангелина Снигирева 29 ноября, 2019 14:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

К. Герд нимо гимназилы 25 ар тырмон улсын покчи классъёс пӧлын «По следам Алангасара» квест ортчиз. Тодматсконо но гожтоно вал 15 арлэсь кема ужам дышетӥсьёс сярысь. 1-тӥ «А» классысь нылпиос но анай-атайёс, та уж борды мылысь-кыдысь басьтӥськизы.

В. Широбокова

Валентина Григорьевна Широбокова — педагогика наукаосъя кандидат, дышетон удысын 29 ар ужа ини, 24-зэ — гимназиын. Пӧртэм аръёсы вал визьнодась, педагог-организатор, директорлэн воштӥсез, та вакытэ удмурт кылъя но литературая дышетӥсь.

Валентина Григорьевна Россиысь но Удмуртиысь вожвылъяськонъёсын трос пол вормылэмын. Со кылдытъя но улонэ пыӵатэ пӧртэм проектъёсты, кылсярысь, калыккуспо «Этнический калейдоскоп», 1-тӥ-2-тӥ классъёслы «Гурт пудоос» учебник кылдытӥз, ӟуч нылпиослы удмурт кылэз дышетонъя программа дасяз но трос мукетсэ.

Валентина Григорьевна дышетӥсь-методист луэ, солэсь программаоссэ ужазы куто, Удмуртиысь сяна, мукет улосъёсысь, кунгож сьӧрысь но дышетӥсьёс. Сыӵе профессионал дорын дышетскыны — зэмос шуд.

Любовь Валерьевна Кузнецова 25 арзэ тырше ини К. Герд нимо гимназиын физкультурая дышетӥсь луыса. Россиысь дышетон удысысь дано ужась, ужысь ветеран.

Л. Кузнецова

Любовь Валерьевна шунытэн тодаз вае ужаны кутскон вакытсэ. Урок азьын зол сюлмаськылӥз, ваньмыз умой мед ортчоз шуыса. Аръёс ортчемъя гань-гань луиз, но ас азяз пуктэм ужпумъёсыз азьвыл кадесь ик чурытэсь кылизы.

Дунъя тыршись, лякыт сямо, ас малпанзэс вераны быгатӥсьёс пиналъёсты. Данъяське дышетэм нылпиосыныз — Иван Мерзляковен, Степан Князевен, Владислав Сорокинэн, Лиза Шульженкоен. Соос Россиысь физкультурая олимпиадаосын призёръёс луылӥзы.

Наталья Александровна Воронова — покчи классъёсты дышетӥсь.

Йылпумъяз Глазовысь дышетӥсьёсты дасянъя институтэз. Школае ужаны лыктӥз сюлэмыз куремъя, угось нылпиослэсь уг ӵыды.

Н. Воронова

19 ар ӵоже ини пиналъёсын ваче ки вамышъя. Лыктэмез ар ортчыса, солы оскизы классэз валтыны. Классэ нырысьсэ вамыштыкум, кышкатскем писэйлы укшалляй, шуэ. Но со мылкыд кема ӧз возиськы: бадӟым тодон-валанэн дышетӥсьёс но ӧраз пырыны юрттӥзы, нылпиос но азьлань валтӥзы. 19 ар ӵоже кӧня пиналъёс Наталья Александровналэн бурд улысьтыз потӥзы ни! Но соос нырысетӥ дышетӥсьсэс шунытэн тодазы ваё, тау кылъёс верало.

Людмила Дмитриевна Сидорова — англи кылъя дышетӥсь.

Огъя ужан стажез 33 ар, со пӧлысь 19 арзэ со лулысь-сюлмысь тырше ини К. Герд нимо гимназиын. Пичи дырысеныз со тунсыкъяськылӥз кунгожсьӧр кылъёсын, соос капчиен сётскылӥзы. Со бордысь ик вуоно профессизэ быръён мылкыдыз вордӥськиз.

Л. Сидорова

Людмила Дмитриевна котыраз нылпиосты огазеяны, аслыз синмаськытыны быгатэ. Пиналъёс дунъяло сое мыло-кыдо, лякыт сямо, ужась луэмысьтыз. Солэн урокъёсаз нылпиос ӝутскем мылкыдын лыкто.

Тау кариськом мыло-кыдо дышетӥсьёсмылы сюлэмзэс поныса ужамзы понна. Сӥзиськом юн тазалык, пуксисьтэм мылкыд, сюлэм шунытты ваньмызлы мед тырмоз, вормонъёсын шыкысты арысь аре мед паськыталоз.

1 «А» классысь пиналъёс но анай-атайёс

Ангелина Снигирева
By Ангелина Снигирева 29 ноября, 2019 14:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<