Милям ваньмыз рос-прос

Ангелина Снигирева
By Ангелина Снигирева Ноябрь 29, 2019 11:44

Алнашысь культурая но искусствоосъя центрын семьяос понна «Ми удмуртъёс, милям ваньмыз рос-прос!» крезьгуро вожвылъяськон ортчиз. Ужрадэз дасязы но нуизы «Родничок» нылпи садысь визьнодасьёс.

«Ми удмуртъёс, милям ваньмыз рос-прос!» ужрадэ 14 семья пыриськиз
туспуктӥз Л. Сурчакова

Залын удмуртлык кузёяськиз. Чебересь, синэз мальдытӥсь удмурт дӥсьёсын лыктэм нылпиос но анайёс ужрадэз уката яркытгес каризы кадь. Вожвылъяськонэ 14 семьяос пыриськизы. Пиналъёс, анай-атаенызы, нош куд-огъёсыз песянай-песятайёсынызы ӵош быгатонлыкъёссэс возьматӥзы. Кинъёс ке кырӟазы-веразы, эктӥзы, мукетъёсыз аспӧртэмлыко киужъёс лэсьтӥзы, нош куинетӥосыз сиён пӧраменызы висъяськизы. Котькудзы соос асьсэ нылпи садзылэсь данзэ утизы.

Вожвылъяськонэ котыр ласянь адӟем карымон, етӥз пиналъёс люкаськиллям. Дунъясьёслы зэмзэ но секыт вал пӧлысьтызы устозэ бырйыны. Озьы ке но вормисе потӥз Блатгуртысь Орловъёслэн семьязы. Соос «Берёзка» нылпи садлэсь данзэ утизы. 2-тӥ интые потӥз Алнашысь Даутовъёслэн семьязы («Солнышко» нылпи сад). Нош 3-тӥ инты сётэмын вал 2 семьялы: Туймыйыл гуртысь Михайловъёслэн но Алнашысь Софроновъёслэн («Родничок» нылпи сад) семьяоссылы.

Людмила Сурчакова

Ангелина Снигирева
By Ангелина Снигирева Ноябрь 29, 2019 11:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<