Кыӵе ужрадъёс чакламын удмурт кыллэсь нуналзэ пусъён улсын?

Ангелина Снигирева
By Ангелина Снигирева Ноябрь 26, 2019 14:25

2-тӥ арзэ быдэс дуннеын Удмурт кыллэсь нуналзэ пусйиськом. Удмурт кыллэсь нуналзэ 27-тӥ ноябре ортчытъян сярысь решение 2018-тӥ арын Елабугаын удмуртъёслэн 1-тӥ съездзылэн 100 ар тырмонэзлы сӥзем конференциын кутӥзы. Ӵапак та нуналэ 2001-тӥ арын удмурт кыл кун кыл сямен юнматэмын вал. Кыӵе ужрадъёс чакламын та нуналэз пусъён улсын:

Ижкар.

Эшъяськон юрт.

26-тӥ – 27-тӥ ноябре — «Ӟечбуресь! Удмуртский для всех!» акция – ӟучъёсты удмурт алфавитэн, вераськон кылъёсын, удмурт кылын ужась ватсэтъёсын тодматон;

27-тӥ ноябре «Мир в диалоге» — Интыосын калык культураез вӧлмытонъя тужгес усто ужан амалъёсынызы тодматозы Россилэн пӧртэм улосъёсысьтыз лыктэм куноос;

11 часысен 16 часозь «Россиысь калыкъёслэсь кылзэс утён но азинтон» площадкаын удмурт кылын вераськонъя «Кубо» клубен тодматскон;

Йӧскалык библиотека

27-тӥ ноябре 18 часын — Йӧскалык библиотекаын «Удмуртский с немецким акцентом» акция радъяськоз. Вераськозы малы кунгож сьӧрысь куноослы тунсыко удмурт кыл, кызьы сое дышетон радъямын Германиын.

10 часысен 20 часозь «Учу удмуртский» книгаосын адӟытон;

«Кенеш» журнал

26-тӥ ноябре — «Туала удмурт литература: шедьтонъя но ыштонъёс». Та пумысен малпанъёссэс, мылкыдъёссэс вералозы азьветлӥсь удмурт критикъёс, литературоведъёс, писательёс.

Пастухова 13, «Лудорвай» музейлэн выль залэз

27-тӥ ноябре — «ЮМОК» театрысь артистъёс «Алнаш зомби» пьесазэс пуктозы. Кутсконэз 19 часын.

Сарапул. «Электрон» культурая дворец

27-тӥ ноябре — «Яратӥсько удмурт кылме» эссе гожтон, удмурт писательёслэн произведениоссыя визь сынан, удмурт калык шудонъёсын тодматскон. Кутсконэз 18 часын.

Глазов. Дышетӥсьёсты дасянъя В. Короленко нимо институт

27-тӥ ноябре — утись мунё лэсьтонъя мастер-класс, удмурт кылъёсын туспуктон.

14 часэ 15 минутэ — «Удмурт драматургиялэн кылдэмез но азинскемез» лекция;

Шаркан

19-тӥ — 27-тӥ ноябрь — «Лыдӟиськиськом удмурт кылын» ёрос конкурс. Гожтоно видео но поттоно #лыдӟиськиськомудмурткылын хештэген вотэс бамъёсы;

Якшур-Бӧдья. Мукши гурт

27-тӥ ноябре — «Питыран» удмурт кылъя но культурая ёроскуспо фестиваль.

Башкортостан. Вуж Варяш гурт

27-тӥ ноябре — семьяос пӧлын «Трос лыдӟод — трос тодод» конкурс. Кутсконэз 20 часын;

Москва

27-тӥ ноябре — 20-тӥ даурысь удмурт литературая лекция лыдӟоз филология наукаосъя кандидат, М. Горький нимо институтысь доцент Вера Пантелеева. Кутсконэз 20 часын. (Москва, Страстной бульвар, 12, строение 1, YellowDoor);

Венгрия. Будапешт

27-тӥ ноябре — удмурт кылъя ӝыт. Удмурт кылэн, крезьгурен, эктонъёсын, ӝӧквыл шудонъёсын тодматскон.

Сегеда

26-тӥ ноябре — Удмурт кыллэн нуналыз. Ашальчи Окилэн творчествоеныз, улон сюресэныз тодматскон, удмурт кыр«анъёсын ӝыт. Кутсконэз 17 часын.

27-тӥ ноябре — «Удмурт кыловылос» Интернетын флешмоб. Шедьтоно удмурт кылын гожтэм вывескаез яке ялонэз но вотэс бамъёсы поттоно #udmyazyksreda хештэген.

УД

Ангелина Снигирева
By Ангелина Снигирева Ноябрь 26, 2019 14:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<