Котькытчы вуэмзы потэ

Ангелина Снигирева
By Ангелина Снигирева Ноябрь 21, 2019 13:51

Ижысь Эшъяськон юртэ люкаськылӥзы шаерысьтымы «азвесь» волонтёръёс. Мыло-кыдо адямиослэн нырысетӥ форумзы «Демография» нацпроект чотын радъяськиз.

Дэри ёросысь мыло-кыдо кенакъёс Е. Агафонова но С. Ильина
Фото: В. Емельянова

Улон возьматэ, пенсие потӥсьёс но доразы пукисьёс котьмае тодо, котькытчы мыло-кыдо пырисько, калыклы пайда ваемзы потэ. Туннэ нуналлы шаерысьтымы волонтёръёс пӧлысь 150-лэсь тросэз ӵапак 50 ареслэсь бадӟым доброволецъёс луо. Нош зэмзэ ке, соос уногес. Сыӵе мыло-кыдо адямиос но, калыклы юрттэт сётон удысын ужасьёс нырысетӥ форуме люкаськизы. Нимысьтыз ӧтемын вал Киров улосысь куноос.

Удмуртиысь Правительстволэн Тӧроезлэн воштӥсез Анастасия Муталенко пусйиз, «Демография» нацпроектын нимысьтыз инты басьтэ «Мӧйыос» программа. Со чотын ёросъёслы нимысьтыз машинаос басьтылэмын. Табере гуртъёсысь мӧйыосты диспансеризация ортчыны соосын нулло. Озьы ик арлыдоос понна компьютерен ужаны, коньдонэз валаса кутыны дышетонъёс ортчыло. Калыкез улон-вылонын утён политикая но ужъя министрлэн воштӥсез Ольга Лубнина ватсаз на: тросэз лыдъяло доброволец луыны егитъёс гинэ быгато. Котькуд адями улонын ӟеч уж лэсьтыны быгатэ, арлыдэз но, дышетскемез но лыдэ басьтытэк.

Форуме люкаськемъёс ог-огенызы, ужан амалъёсынызы тодматскизы, пӧртэм площадкаос ужазы. Волонтёръёслэн радазы шедемзылы туж шумпотэмын Дэри черкогуртысь Елена Агафонова но Дэри ёросысь Шаберды гуртысь Софья Ильина.

— Ужамысь дугдыса, ма каром ни шуыса кайгырисько вал, — шуэ Е. Агафонова. — 3 арзэ йогаен выри, отысен монэ синйылтӥзы но Пенсионеръёслэн кенешазы пыриськыны ӵектӥзы. Мон отчы бурдъяськыса вуи. Егит пенсионеръёслы кыӵе ке огазеяськон туж кулэ, дорын пукыны кутскыса, ма карыны ик паймоно. Ярам мон куасэн бызьылӥсько, аслым уж шедьтӥсько. Нош апрель толэзьысен волонтёръёслэн радазы гожтӥськи, табере книжкае но вань. «Калашников Биатлон Фест» ӵошатсконэ, ёросын ортчылӥсь вань ужрадъёсы пыриськисько. Котькытчы вуэм потэ, дыр уг тырмы.

Елена Агафонова арняяз 2 пол арлыдоос понна гимнастика ортчытыны юрттэ. Нуналлы быдэ скандинав амалъя вамышъяны дышетэ. Софья Ильина но бере уг кыльы. Гуртысьтызы арлыдоос понна «Сельчанка» клуб нуэ. Инкуазе поръяны потало. Нош алигес, пе, шаерысьтымы арлыдоос пӧлын ортчем КВН-ын соослэн командазы 1-тӥ инты басьтӥз.

С. Ильина та вакытэ доброволец гинэ ай, нош та ужрадысь бертыса, волонтёръёслэн радазы, пе, одно ик пыро. Угось внучкаез но волонтёр, табере дорзылэсь палэнын но ӵош луозы.

Валентина Емельянова

Ангелина Снигирева
By Ангелина Снигирева Ноябрь 21, 2019 13:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<