Коркалы быдэ — извещательёс

Ангелина Снигирева
By Ангелина Снигирева 21 ноября, 2019 13:47

Спасательёс азьын бадӟым ужпум пуктэмын. Вуоно арысен котькуд коркан извещательёс луыны кулэ. Соос пичиесь ке но, уно адямиослэсь улонзэс утьыны быгатозы.

Дэри ёросысь Мешер гуртысь нылпи садэ спасательёс вуылӥзы
Фото: В. Емельянова

Ӵапак таӵе ужпум сярысь вераз Россиысь МЧС-лэн Удмурт Республикая Валтӥсь управлениеныз кивалтӥсь Пётр Фомин понедельнике ортчем аппарат кенешонын. Извещатель мыжык быдӟа гинэ, нош кесяськыны кутскиз ке, кудӟыса кӧлӥсь мурт но сайкалоз. Шаерысьтымы спасательёс калык пӧлын валэктон уж нуо шутэтскон нуналъёсыз тодытэк. Угось арлэн котькуд вакытэз сюлмаськонъёс вае. Тулыс тудву куашетэ, кӧс турын ӝуа, сӥзьыл ӵемгес гомало сад-бакчаос, нырысетӥ йӧ вылын чорыганы яратӥсьёс ву улэ кошко. Дэри ёросысь тылпулэсь утиськонъя 30 номеро частьын ужась инспектор Александр Князев ялан калык пӧлын. Бадӟымъёслы но пичиослы тылпулэсь утиськон амалъёсты тодазы вайытэ.

— Дэри ёрос быдэс Ижевскез котыртэ, эскероно объектъёс пӧлы 127 гуртъёс но 155 сад-бакчаос пыро, — вера Александр Князев. — Жаляса верано, нуналлы быдэ калык пӧлын валэктон уж нуиськомы ке но, тылпу потон учыръёс уг кулэсмо. 10 толэзь куспын ёросын 271 пол горд атас кузёяськиз, 13 мурт быриз, пӧлысьтызы одӥгез быдэ вуымтэ пинал, 8 мурт сӧсырмиз. Спасательёс 158 юртъерез, коньдонэ берыктыса, 100 миллион манетлэсь ятыр ваньбурез утьыны быгатӥзы. Ӝуась интыосысь 4 муртэ поттӥзы.

Инспекторъёс шуо: вань тылпуос пӧлысь 70 процентэз улон коркаосын пото. Шудтэм учыръёслэн мугъёссы вылесь ӧвӧл, ӵем дыръя кудӟем муртъёс кысымтэ тамак пумен умме усё. Ӵапак таӵе муген 30-тӥ сентябре Изгуртысь одӥгаз юртын тылпу гомӟиз. Ярано коть, кузёзэ дыраз поттыны вуизы.

МЧС-ын ужасьёс калык пӧлын валэктон уж нуо
Фото: В. Емельянова

Мукетыз муг герӟаськемын пилиськем гуръёсын. Электроезъёс, электроприборъёс но шуге-леке вутто. Сентябрь толэзе бадӟым тылпу потӥз «Север» сад-бакчаын. Мунчоысь пилиськем гурлы луыса быдэс юртъер син куспын пеньлы пӧрмиз. Спасательёс дыраз вуэмен сэрек гинэ артэ сылӥсь коркаосты утьыны луиз.

Дэри ёросысь инспекторъёс пичи гуртъёсын улӥсьёс дорын но ӵемысь вуыло. Валэктон уж нуо, коркась корка пыраса, электроезъёсты, гуръёсты эскеро. Тэшкылиос сярысь но уг вунэто. Алигес тылпулэсь утиськонъя 30 номеро частьын ужасьёс Александр Корепанов но Дмитрий Никифоров Мешер гуртысь нылпи садын кышкытлыклэсь утиськон нунал ортчытӥзы. «Тылпоттон — шудон ӧвӧл» ужрад дыръя шуге-леке шедем муртъёслы нылпиос юрттэт сётыны кулэ вал. Пиналъёслы тужгес кельшиз пожарнойёслэн дӥсьсы, сое ас вылазы дӥсяса эскеризы.

Валентина Емельянова

Ангелина Снигирева
By Ангелина Снигирева 21 ноября, 2019 13:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<