Ижын пластикез но макулатураез бичанъя нырысетӥез экопункт усьтӥськиз

Ангелина Снигирева
By Ангелина Снигирева Ноябрь 29, 2019 12:02
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Пластиклы но макулатуралы нимаз пресс-компакторъёс пуктэмын
Туспуктэм: «Спецавтохозяйстволэн» пресс-службаез

Со ужаны кутскиз 28-тӥ ноябре шоркарысь Камбарской ульчаысь вуз каронъя «Лента» центр вӧзын. Отын пуктэмын Финляндиысь «Europress» компаниын поттэм оборудование. Пунктэз усьтонэ вуылӥз Финляндиысь посол Микко Хаутала.

«Лента» вӧзын пластиклы но бумагалы 2 бакъёс сыло, отын пресс-компакторъёс пуктэмын, соос баке сюрем жуг-жагез асьсэос пачкато. Одӥгез таӵе туала арбери 700 пичи жаг куян контейнеръёсты воштэ, пе.

Баклэсь тырмемзэ син азяз возе нимысьтыз адями. Со понна онлайн трансляция тупатэмын. Кытчы кыӵе жагез куян, инструкция дасямын. Калыклэсь туж куро, баке куштэмлэсь азьло пластик бутылкалэсь ворсэтсэ басьтыны.

«Europress» компаниен Удмуртия нырысьсэ уг ужа ни. Кылем арын жуг-жаген вырись «Спецавтохозяйство» улос оператор та предприятилэсь 21 та выллем пресс-компакторъёссэс басьтӥз ни вал, соос полигонъёслэсь кыдёкысь гуртъёсы пуктылэмын.

«Спецавтохозяйстволэн» кивалтӥсез Иван Маринин вераз, вуоно арын жуг-жагез нимаз бичан азинтэмын луоз, соин валче эшшо кӧня ке вуз каронъя бадӟым центръёс вӧзын таӵе экопунктъёс усьтэмын луозы на.

Сергей Захаров

Ангелина Снигирева
By Ангелина Снигирева Ноябрь 29, 2019 12:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<