Дорын борддоръёс но юртто

Ангелина Снигирева
By Ангелина Снигирева Ноябрь 11, 2019 16:58

«Тазалык» нацпроект чотын ар пумозь Удмуртиын усьтӥськыны кулэ пыктос висёнъёсты эмъянъя 9 центръёс. Октябрь толэзь пумын сыӵе центръёс кылдӥзы Можга но Эгра ёросъёсын, мукетъёссэ усьтыны чакламын ноябрь толэзь пумын.

Онколог А. Кондратьева
Туспуктӥз В. Емельянова

Шаерысьтымы тазалыкез утёнъя министрлэсь ужзэ быдэсъясь Георгий Щербак ивортэмъя, центръёс усьтӥськыны гинэ кулэ ай ке но, тросэз соос апрель толэзьысен ужзэс мытӥзы ни: химиотерапия ортчыто. Можга городысь центрын эмъяськыны быгато Можга, Алнаш, Грак но Кизнер ёросъёсын улӥсьёс, нош Эграын — Красногорск, Дэбес но Кез ёросъёсысь висисьёс. Угось тазалыкез утён удыс азе чурыт куронъёс пуктэмын: 2024-тӥ арозь пыктос висёнэн кужмогес нюръяськоно, улонысь кошкисьёслэсь лыдзэс 100 сюрс адямилы 185 муртозь кулэстоно. Висёнэз дыраз шараян вылысь медосмотръёс ортчытъяно. Шаерамы нимысьтыз центръёс усьтэм сяна, IT-разработкаен техникаез паськытгес куто. Угось эмъяськон удысын туала куронъёслы тупась приборъёс адямилы кыкетӥ улон кузьманы быгато.

Эгра ёрос больницалэн валтӥсь врачез Надежда Поздеева верамъя, пыктос висёнъёсъя центрзы ужаны кутскем ни кылем арын декабрь толэзе. «Тазалык» нацпроектъя больницае выль ужан тӥрлык вуттэмын: флюорограф, маммограф, фиброгастроскоп но колоноскоп. Матысь дыре вуттыны кулэ на УЗИ аппарат.

Туэ ӝыны ар куспын Эграысь центрын 23 мурт тазалыксэ юнматӥз, нош та вакытэ толэзьлы быдэ 20 муртлы юрттэт сётӥське. Азьвыл аръёсы вань висисьёс химиотерапия ортчыны Ижевске ветло вал, табере асьсэ ёросазы эмъяськыны быгато. Дорын, пе, борддоръёс но юртто, оло, висисьёс но ӝоггес бурмысалзы, шуо эмъясьёс.

Пыктосэн висисьёслы нуназе юрттэт сёто — со понна стационарын нимысьтыз койкаос висъямын, ёрос больницаын онкокабинет ужа. Гуртоослы капчигес луиз эмъясьёс доры шедьыны. Азьвыл аръёсы трос специалистъёс дортӥ ортчыны, пӧртэм анализъёс бичаны кулэ вал. Табере, нокытчы ветлытэк, ас ёрос больницаязы эскеронъёсты ортчо. Кулэ дыръя Ижысь эмъясьёс доры но дась анализъёсын мыно ни.

— Ма ватонэз, пыктос висёнэн курадӟисьёслэн лыдзы арысь аре йылэ, пӧлазы трос егитъёс, — шуэ ёрос больницаысь онколог Анжела Кондратьева. — Эгра ёросысь сяна, Кез ёросысь 17 висисьёс дорамы эмъясько. Учётын сылӥсьёсты эскериськомы, дыраз анализъёс басьтӥськомы, маке умойтэмзэ шараяськомы ке, соку ик Ижысь специалистъёсын меӵак герӟаськиськомы. Калык шумпотэмын, угось куд-ог висисьёсмы толэзьлы быдэ капельница басьтыны кулэ. Табере ёрос больницаын но сыӵе процедура лэсьтӥське. 

Валентина Емельянова

Ангелина Снигирева
By Ангелина Снигирева Ноябрь 11, 2019 16:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<