Вылӥ данэн Кылчин

Ангелина Снигирева
By Ангелина Снигирева 18 ноября, 2019 14:36

21-тӥ шуркынмонэ черк пусъе Архистратиг Михаиллэсь но мукет Ин Кужымъёслэсь соборзэс.

Протоиерей
Павел ГРИГОРЬЕВ

Михаил Архистратиг — со сьӧд кужымъёсын нюръяськись, ангелъёслэн «войскоенызы» кивалтӥсь, кулэмъёслэсь лулъёссэс утись, зэмлыкез гажась. Ожгарчиос сяна, солы вазисько огшоры адямиос но — семьязэс, ас улонзэс но ужзэс утьыны курыса.

Христианстволэсь историзэ эскероно ке, пӧртэм вакытъёсы вал Инмарлэсь палэнтӥськем осконъёс. Инмар одӥг шуыса тодӥськомы. Но малы ке но лукавый (кырсь мурт, сьӧд кужым) Кузё-Инмар дорысь лушканы быгатэ асьмемыз, палэнтэ зэмос осконлэсь. Пӧртэм дауръёсы вал сыӵе палэнтӥськонъёс.

Паймымон соиз но: Ангелъёс пумысен но, кудъёссэ асьмеос ум адӟиське, вань сыӵе янгышанъёс. Ангелъёс ведь инмын, соос мугортэмесь, нош Иисус Христос мугоро. Но вал сыӵе адямиос, кудъёсыз Ангелъёсты Иисус Христослэсь вылэгес пуктылӥзы. Адямилэн аслаз-а сыӵе янгыш малпанэз яке шайтан-а солы со малпанэз йыраз пыӵатэ? Но озьы соос Инмарлэсь палэнтӥськыны кутско. Чаклано ке, сыӵеос трос. Шуом, Денница но ассэ Инмарлэсь вылэ пуктыны кутскиз. Но со ведь Кузё-Инмарлэн самой матысь Кылчинэз вал. Но бадӟымъяськон сямыз вормиз. Архангел Михаил соку солы пумит султӥз. Гожъямъёсысь лыдӟиськом: «Кутскиз ожмаськон Инмын. Михаил но Ангелъёс драконлы пумит султӥзы… Уллямын вал соку Инмысь «быдӟым» дракон, вашкала кый, кудӥз луэ дьявол но сатана…» Архангел Михаил обросъёсын юнме шорысь копьёен (яке ӝуась мечен) возьматэмын ӧвӧл ук.

Михаил Архистратиг

Сектаосы шедемъёс но вылтӥяськыса «мон быръемын, милям отын зэмос осконмы, милям святой духмы вань» шуо. Мыным потэ, соос уг шӧдо, уг но валало кадь Кузё-Инмарлэсь палэнтӥськемзэс. Соин ик Инмар кылэз вӧлмытӥсьёс — Апостолъёс — уно аръёс ӵоже тыршо ни зэмос осконэз асьмелы кельтыны. Со понна ик кылдытъямын вал вселенской соборъёс, кытын Инмар кылэз вӧлмытӥсьёс ваньзы ӵош люкаськыса поттыло вал кулэ законъёс. Озьы кылдӥз Архистратиг Михаиллэн но мукет Ин Кужымъёслэн соборзы но.

Инмарлэн сётэмезъя вань Кылчинъёс люкемын 9 чинъёслы, нош соос эшшо 3 иерархилы люкисько на. Вань со чинъёс вылын пуктэмын Архистратиг Михаил. Со тужгес вылӥысез, со Ангел, кудӥз шайтанэз вормиз ожмаськыса, сое адэ пыртӥз. Ангелъёс пӧлын со тужгес сӥлы карыса быръем Архангел. Соин ик Михаил сярысь вераськыкумы, котьку пусйиськомы Архистратиг яке Архангел шуыса — возьматӥськом солэсь Ангелъёс пӧлысь вылӥ данзэ. Сое асьмелы валаны секыт, малы ке шуоно со та улонысь ӧвӧл. Апостол Павел но валэктэ, асьмеос ум адӟиське со Кылчинъёсыз шуыса. Но озьы ке но адями дӥсьтэ аслэсьтыз янгыш валэктонзэ улонэ пыртыны. 

Протоиерей Павел ГРИГОРЬЕВ

Ангелина Снигирева
By Ангелина Снигирева 18 ноября, 2019 14:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<