Ӧз ке но лу — луоз

Ангелина Снигирева
By Ангелина Снигирева 28 октября, 2019 15:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
З. Рябинина
Туспуктӥз: М. Егоров

З. Рябинина: Кылем арняе журналистъёсын но редакторъёсын пумиськылӥз Ижлэн йырыз Олег Бекмеметьев.

Кызьы тодӥськоды, азьвыл со кивалтэмын Глазов городэн, ар талэсь азьло быръемын вал шоркармылы йыре. Олег Николаевич мадиз иворчиослы, мар пӧрмиз ар ӵоже, мар — ӧз. Но соин валче вазиськиз: нош тӥ мар ӵектысалды городмес умоятон понна?

Кивалтӥсьёс та юанэн берло дыре калыклы ӵем вазисько. Со туж умой, угось марысь-мар ке, асьмеос соку ик шуэрскиськом — а кин милесьтым юа? Нош табере — пожалуйста! Журналистъёс — етӥз адямиос, тани та пумиськонын но редакторъёс кичӧлтонэн потӥзы. Тодӥськоды на-а, кӧня ке ар талэсь азьло городлэн Генеральной планаз пыртэмын вал Калашников нимо проспект лэсьтон? Но ваньмыз со кылле кагаз вылын. Оло, эшшо даур кыллёз на. Но быдэс дуннелы тодмо адямилэсь нимзэ данъяны вань ук дунтэмгес амал, ӵектӥзы журналистъёс. Ижын вань Октябрьлы 10 ар нимаськись туж кузь но чебер проспект, ульча ним кемалась вужмиз ини, малы солы Калашниковлэсь нимзэ сётонтэм? Соку, выль проспект ӧз ке но кылды, дано адямилэн нимыз луоз! Бен, сыӵе воштонъёс но уксётэк уг лэсьтӥсько — выльдоно луоз вывескаосты, та ульчаын улӥсьёслэсь документъёссэс, но со сокем шӧдскымон уз луы. Мон малпамъя, туж ӟеч ӵектон.

Нош кыӵе проектъёсты улонэ пыӵатоз Ижкар Удмуртилы 100 ар тырмон аре? Та юанлы кивалтӥсь ӝотрак номыр ӧз вера. Удмурт культурая центр пуктон сярысь вераськонъёс маке пумен чалмо. Ульчаосын луозы 2 кылын лэсьтэм реклама, ӟечкыланъёс… Сыӵе дыръя тодэ лыктэ: Ижкарын вань ук Удмуртской урам! Оло, асьмелы сое удмуртомытоно? Тусбуйзэ удмурт шӧмо кароно, реклама щитъёс бордысен кутскыса, газонъёс дорозь. Нош транспортэз выльысь 2 кылын вераськытыны — ӵапак дырыз! Но остановкаосты ялэм сяна, умой луысал культураен, историен тодматыны, удмурт кырӟанъёс лэзьяны. Малы уксё понна гитараен пиньгетӥсьёсты ваньмыз кылзо, уг ӟургето, нош Г. Корепанов-Камский чал-чал кылле фондъёсын?

Ангелина Снигирева
By Ангелина Снигирева 28 октября, 2019 15:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<