Кин ужалоз гуртын?

Ангелина Снигирева
By Ангелина Снигирева 29 октября, 2019 15:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаерысьтымы гурт удысын ужасьёслэн шоро-куспо арлыдзы 49 арес. Ог 5-7 ар ортчыса, кин соосты воштоз?

Пичи Пурга ёросысь Шорын Юри гуртысь ужасьёс мыло-кыдо тыршо
Фото: А. Снигирёва

Гурт удысын али тырше 26,6 сюрс адями. Кӧня ке ар талэсь азьвыл гинэ 32 сюрс вал. Туэ 9 толэзь ӵоже гуртоослэн шоро-куспо уждунзы 24 сюрс манет котыр люкаськиз. Шаерамы шоро-куспо уждун сярысь, со ог 8 сюрс манетлы ичи. Зэм, кӧня ке ар талэсь азьвыл гинэ хозяйствоосын 12-13 сюрс манет тырылӥзы. Уж секыт шуыса, егитъёслэн гуртэ лыктэмзы воксё уг поты.

Кужмоосаз кутскисьёс вань ик. Отын угось уждун но йӧн-йӧн, кадръёссэ но дунъяло — стажировкаосы, санаторийёсы келялляло. Пӧйшур вордонъя хозяйствоосын, тылобурдо вордон фабрикаосын туннэ одӥг но вакансия ӧвӧл. Нош мукетъёсаз ваньмаз сямен югдур секыт, шуэ гурт удысъя но сиён-юонъя министр Ольга Абрамова. Али хозяйствоос кулэясько 210 механизаторлы, 111 дояркалы, 67 пудо утисьлы. Пудо эмъясьёслы но ёрмиськомы. Куд-огаз предприятиосын ужасьёссы вань, но малпаськись, ужзэс рос-прос быдэсъясьёс уг сюро. Аналскыса предприятиез азьпала уд потты, озьыен, уждун йылтыны луонлык уд шедьты, шуэ министр.

Министерство, Ижысь гурт удысъя академиез быдтыса гурт хозяйствое ужаны кутскемъёслы 200 сюрс манет подъёмной сётӥське, очно амалэн дышетскемъёслы — 45 сюрс манет. Со сяна, егит трактористъёслы, скал кыскисьёслы висъяське быдэн 50 сюрс манет. Туэ талы гинэ люкылэмын вал 23 миллион манет. Но тросэз юрттэт басьто но, ужаны чидатэк, гуртысь пегӟо. Кылсярысь, 2017-тӥ арын Ижысь гурт удысъя академия но ссузъёс 1 сюрс 858 специалист дасязы. Таос пӧлысь 88-эз гинэ хозяйствоосы кутскизы, 5-ез ужаны ӧз чидалэ. Кылем арын 1 сюрс 695 выпускник пӧлысь 83-ез предприятиосы лыктӥз, таос пӧлысь 10-эз берен кошкиз.

Ольга Абрамова пусъемъя, калыклэсь гурт шоры учконзэ воштытэк, югдур арысь аре секытгес но секытгес луоз. Уксёен нокинэ уд гочаты ни. Тае валало Россиысь Гурт удысъя министерствоын но. Соин ик вузъёсын дышетон системаез воштыны малпало. Министрлэн воштӥсез Оксана Лут верамъя, дышетон программа воксё мӧзмыт. Али Россиысь министерствоосын кенешон мынэ, кызьы кулэ луись специальностьёс кылдытоно но тросгес егитъёсты гуртэ кысконо, технологиос бордын ужано. Удмуртия но студентъёсты стажировкаосы, предприятиосы ӵемгес келялляны медэ.

Елена Сараматова

Ангелина Снигирева
By Ангелина Снигирева 29 октября, 2019 15:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<