Улонысь кошкиз «Брангуртысь песянайёс» ансамбльысь кырӟась Наталья Пугачёва

Удмурт Дунне
By Удмурт Дунне 26 октября, 2019 23:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ ӵукна улонысь кошкиз вань удмурт калыклэн яратоно песянаез, «Брангуртысь песянайёс» ансамбльысь кырӟась Наталья Пугачёва. Та сярысь аслаз вотэсбамъёсаз ивортӥз Удмуртилэн Тӧроез Александр Бречалов. Со ӵыжы-выжысызлы но матысь адямиосызлы кайгыремез сярысь вераз. Кык нунал ортчыса, Н. Пугачёвалы 84 арес тырмысал.  Со аслыз синмаськытылӥз улонэз яратӥсь, пальпотӥсь, сюлмо, мыло-кыдо луэменыз.

Наталья Яковлевна вордӥськиз 1935-тӥ арын 28-тӥ октябре. Школаын 1 ар гинэ дышетскыса вуттӥз — кутскиз война. Быдэс улонзэ Наталляпай (озьы тросэз сое гажаса но яратыса шуылӥзы) Брангуртысьтыз колхозын тыршиз. 4 нылпиоссэ вордӥз, яратоно песянай вал 3 внукъёсызлы но 6 правнукъёсызлы.

2014-тӥ арын врачъёс солы кышкыт диагноз пуктӥзы – ӝушаз лек пыктос кырмиськемын. Кӧня ке операциос бере номыр шоры учкытэк, Наталляапай выльысь сцена вылэ, калык пӧлы потӥз. Со ноку номыр пумысен ӧз ӝотӥськылы,  арлыдыз бадӟым вал ке но, эшъёсыныз ӵош концертъёсын Удмурт шаертӥ гинэ ӧвӧл, палэнэ но вуылӥз.

Наталья Пугачёваен люкиськон ортчоз 27-тӥ октябре Брангуртысь черкын 13 часын. «Удмурт дунне» мур куректэмзэ вера Наталья Яковлевналэн матысь адямиосызлы, ӵыжы-выжыосызлы.

УД

Удмурт Дунне
By Удмурт Дунне 26 октября, 2019 23:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<