Удмуртъёсын эктыса тодматозы

Удмурт Дунне
By Удмурт Дунне Октябрь 3, 2019 15:47

«Росмолодёжь» агентствоен радъям вожвылъяськонын эграослэн «Ӵош эктон» проектсы вормисьёс пӧлы потӥз. Проект чакла калык эктонъёс пыр егитъёсты удмуртъёслэн лулчеберетэнызы тодматскыны.

Туспуктӥз Александр Караваев

Та удысын уно тодон-валанъёссы Эграысь эшъяськон юртын ужасьёслэн, ӵапак соос проектэз улонэ пыӵатон борды басьтӥськизы. Хореографен ӵош 15 пӧртэм мастер-классъёс ортчозы.

— Эграысь школаосы поталомы, — вераз проект бордын ужась Роман Подлевских, — нылпиосты удмурт эктонъёслы дышетомы, со сяна, удмурт лулчеберет, сям-йылолъёс сярысь тунсыко лекциос вераломы.

Нылпиослы эскерон ужен но вырыны дэмлалозы: котькудӥз ас семьяезлэсь сям-йылолъёссэ гожтоз. Люкам материалъёсынызы «Мынам выжые» конкурсэ пыриськозы.

Ужрадъёссэс эграос «Ӵош эктон» фестивален йылпумъялозы. Со 21-тӥ толсуре Эграысь Эшъяськон юртын ортчоз. Проектлэсь емышъёссэ ӵапак отысь адӟыны луоз.

Мария Емельянова

Удмурт Дунне
By Удмурт Дунне Октябрь 3, 2019 15:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<