Телевизорын кузёяське театр

Related Articles

• 1-тӥ Май демонстарцие потӥз 48 сюрс адями 0 02.Май
• Арлыдоос эктыса рекорд пуктозы 0 23.Июл
• Ма шугъяськытэ калыкез? 0 29.Сен

Мартлэн пумысеныз Приволжск федерал округын ортче нылпиослэн но егитъёслэн театръёссылэн «Театральной Приволжье» фестивальзы.

Куарусёнэ йылпумъянъёс лэсьтӥзы фестивальлэн улосъёсын ортчем люкетъёссылы. Элькунысьтымы фестивале 55 театральной коллектив пыриськиз — ог 950 мурт. Быдэс округез ке учконо, фестивале 483 коллектив пыриськиз, 94-ез — егитъёслэн театръёссы, 331-ез — школаосысь студиос. Вань спектакльёсты учкиз ог 114 сюрс адями.

1-тӥ октябрьысен вань улосъёсысь финалистъёслэсь ужъёссэс телевизоретӥ учкыны луоз. Спектакльёсты возьмато Приволжск федерал округысь 14 регионын 28 нунал ӵоже. Удмуртиын спектакльёсты возьматэ «Мынам Удмуртие» телеканал. Видеоспектакльёсты озьы ик учкыны луэ фестивальлэн вотэс бамаз: театральноеприволжье.рф.

«Театральной Приволжье» фестивальын вормисьёслы вуоно спектакльёссэс пуктыны быдэн 200 сюрс манет сётозы. 2-тӥ инты понна 140 сюрс манет сётӥськоз, 3-тӥ инты понна — 100 сюрс манет. Кузьымъёсын озьы ик пусъёзы устооссэ артистъёсты, театральной афишаослы сӥзем вожвылъяськонэ пыриськем пиналъёсты но егитъёсты. Вормисьёсты быръёзы ноябре меӵак эфирын. Куарадэс тӥ но сётыны быгатоды, смс лэзьыса.

Финалэ пыриське Удмуртиысь 2 коллектив: Ижысь Калык творчествоя коркась балетъя «Радуга» театр («Волшебный сундук» крезьгуро постановка, режиссёрез — Татьяна Телицына) но Воткинскысь «Юбилейный» культурая дворецысь калык театр та коллективъёсысь артистъёс «Золушка» но «Пётр и Феврония Муромские» спектакльёсты дунтэк учкозы. Соос возьматэмын луозы «Зарни маска» Ижкарын» фестиваль улсын.

Виктория Крамова