Кышкыт снюс

Ангелина Снигирева
By Ангелина Снигирева Октябрь 28, 2019 15:47

9 толэзь куспын шаерамы лэсьтэм йыружъёс пӧлысь 1 сюрс 878-эз герӟаськемын наркотикъёсын. Кылем арын та вакытэн ӵошатыса, со 4 процентлы тросгес, шуиз Югдурез утёнъя министерствоысь наркотикъёсын нюръяськонъя управлениен кивалтӥсьлэсь ужзэ быдэсъясь Александр Малека.

Югдурез утёнъя министерствоысь наркотикъёсын нюръяськонъя управлениен кивалтӥсьлэсь ужзэ быдэсъясь Александр Малека пресс-конференция ортчытэ
Фото: Югдурез утёнъя министерстволэн пресс-службаез

Интернет-магазин пыр наркотикъёсыз вӧлмытэмзы понна 18 мурт ӝе­гатэмын. Соос Удмуртиын улӥсь­ёс­лы но Россиысь 5 улосэ вуззэс вуттылӥллям. Ӝегатэм муртъёс пӧлы шедизы Удмуртиысь, Санкт-Петербургысь, Пермь но Самара улосъёсысь адямиос.

Лушкем лабораториос но шараямын. Кылсярысь, Пичи Пурга ёросысь одӥгаз пичи гуртэ Ижысь агай-вынъёс улыны интыяськиллям. Гурт ужен выриллямтэ — наркотик дасянъя лаборатория усьтӥллям, лэсьтэм арбериоссэс Интернет пыр вӧлмытыны кутскиллям. Йыртэмасьёс кырмемын. Озьы ик ӝегатэмын соослэн 7 юрттӥсьёссы, наркотикъёсты соос вӧлмытыны юртто вылэм Екатеринбургын но Татарстанын.

9 толэзь куспын югдурез утисьёс талазы 60 килограммлэсь тросгес урод суретъёс. Йыруж лэсьтӥсьёс пӧлын 101-ез — кышномуртъёс, 32-ез — быдэ вуымтэос. 306 мурт вылэ 1 миллион 600 сюрс манет тыр тыриськон тупатэмын.

Югдурез утён удысын ужасьёсты мукетыз но сюлмаськытэ.

— Сентябрь толэзе Интернет вотэс пыр шараямын вал, кызьы 11-17 аресъем пиналъёс улӥ штан коже бызьыло, рэп лыдӟо, юбо бордын экто — ваньзэ лэсьто снюс понна, — шуэ Александр Малека. — Снюсъёс тамак пӧлы пыртэмын, магазинъёсын эркын вузасько. Быдэ вуэмъёслы гинэ вузало ке но, со пичи пиналъёслэн киязы но шеде. Туэ ар куспын Ижысь 2 пиналъёс, сое ымазы поныса, йырсазьзэс ыштылӥзы ни. Ярано коть, эмъясьёс дыраз юрттэт сётӥзы.

Магазинын ужасьёс снюсъёсты адямилэн тазалыкезлы кышкыт уг вайы шуо ке но, экспертъёслэн эскеронъёссы мукетсэ шараяло. Таӵе «шайбаосын» химической никотинэз вань, тамак сярысь, тазалыклы со 7 поллы тросгес изъян вае. Пиналъёслэн йырзы берга, ӧскемзы потэ, пельдӥнь котырзы пачкатэ, ымпушсы сутске. Югдурез утён удысын ужасьёс снюс кыскисьёсты алыны уг быгато, угось та никотин наркотикъёс пӧлы пыртэмын ӧвӧл. Соин ик анай-атайёсты но дышетӥсьёсты сакгес кариськыны куро. 

Валентина Емельянова

Ангелина Снигирева
By Ангелина Снигирева Октябрь 28, 2019 15:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<