Кызьы хоббиез пӧрмытоно бизнеслы?

Ангелина Снигирева
By Ангелина Снигирева 30 октября, 2019 15:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Мар аспӧртэмез нылкышно бизнеслэн? Кудӥз тунсыкогес: бадӟым компаниын топ-менеджер луыны яке аслэсьтыд уждэ усьтыны? Та но мукет ужпумъёсты сэрттӥзы-пертчизы нылкышно ужбергатӥсьёс.

Форуме трос азинлыко нылкышноос пыриськизы
Туспуктэм басьтэмын udmurt.ru сайтысь

Залэ люкаськизы ужбергатонын али гинэ тэтэ карыны кутскисьёс но, бадӟым компаниын азинлыко специалист, топ-менеджер луыса ужасьёс но. Пӧлазы ик — бизнесын бадӟымесь азинсконъёс басьтыса вуттэм нылкышноос. Котькудзылэн асьсэлэн сюрессы — усёнъёсын но, ӝутсконъёсын но. Соостэк уг луы, пе. Но ваньзы шуо: ужбергатонын азинскон басьтон вылысь ялан дышетсконо, тыршоно, ужез ӵуказелы кельтоно ӧвӧл… Но отчы ик ватсало: уж сяна, одно луыны кулэ эшъёс, ваньмон дыр, хобби.

— Но хобби — со мынам яратоно уже, — шуэ одӥгез азьмынӥсь ужбергатӥсь Юлия Яковлева. — Аслэсьтым удысме усьтытозям, мон тросэтӥ ужан интыме вошъяй. Угось туж ӝог валалляй: та мынам интые ӧвӧл. Уг яра кышканы ужез воштыны. Нош аслэсьтым удысме усьтон мылкыды лӧптӥз шуак: Санкт-Петербургын одӥг фирмалэсь колготкизэ басьтӥ — ӝыны ар нуллӥсько, уг кесиськы. Туж синмаськи! Соку малпай: малы меда вордскем Удмуртиям но сое басьтыны луонлык кылдытонтэм? Азинсконъёсылэн мугез — оскымон команда кылдытыны быгатэме. Кари озьы: вуз карисьёсы, юрттӥсьёсы уже ӵукна шумпотыса мед лыктозы, ужан нуналлэсь йылпумъяськемзэ возьмаса медаз пуке. Ми одӥг мылкыдын ужаськом!

Мукетыз ужбергатӥсь, Елена Теплицина, аслаз кужымезлы оскыны дышемын, шуэ: азинсконъёс басьтӥськод-а, ыштонъёс адӟиськод-а — юскиськыны, ганяк кариськыны уг яра. Улон возьматэ: асьсэлэсь ужзэс усьтӥсьёс пӧлысь данакез нырысетӥ 3 аразы куашкало. Но озьы медаз луы шуыса, кытысь кужым басьтоно?

— Шутэтскыны быгатоно, — валэктэ Елена. — Одӥг пол мон валай: туж жади. Телефонме кысӥ, кошки гурезьёсы — отысь выль малпанъёсын, выль кужымен берытски ни.

Мукетъёсыз шуо: маин выриськод, сое туж яратӥськод ке, кужым ачиз кытысь ке потэ. Но тросэз соглаш луо: мылкыд басьтоно семьяысь.

— Кызьы нырысьсэ бызи, кызьы люкиськи — валаса но ӧй вутты, — вераз бадӟым компаниын топ-менеджер луыса ужась Анаит Фертикова. — Ялан ужын, аслым карьера лэсьтонэн ёрмемын вал. Кыкетӥзэ бызи. Табере валасько: субботаез но арнянуналэз сӥзёно семьялы. Соку понедельнике нош ик выль кужымен уже потӥськод.

— Зэмзэ но, нылкышно ужбергатӥсьлы семьяез но ужез люкыны быгатоно, ужысьтыд сюлмаськонъёсыд, кивалтон манерыд семьяяд медаз вуэ, — соглаш кариське мукетыныз бадӟым компаниен кивалтӥсь Ольга Овчинникова. — Уг ваты: мынам котьку озьы уг пӧрмы. Но пие тае туж ӝог шӧдэ, серекъяса юа: кыӵе ужъёсты, Ольга Владимировна?

Кенешонэ люкаськемъёс ӧз ватэ: нылкышно ужбергатӥсьёс шоры воргорон ужбергатӥсьёс куддыр оскытэкгес учко. Но чылкыт, чебер пӧрмыса кенешонэ мынӥськод ке, ӝыны уж лэсьтэмын ни. Нош визьдэ, тодон-валанъёстэ возьматӥськод ке, уж пӧзьыны кутске!

Элина Кумачёва

Ангелина Снигирева
By Ангелина Снигирева 30 октября, 2019 15:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<