Ижын ортчиз «Огъя Россия» партилэн Удмурт ёзэзлэн 32-тӥ конференциез

Ангелина Снигирева
By Ангелина Снигирева 30 октября, 2019 15:04

Отчы пыриськизы партилэн Удмурт ёзэзлэн секретарез Владимир Невоструев, секретарьлэн воштӥсез Алексей Прасолов, исполкомезлэн кивалтӥсез Андрей Макаров, Кун Думаысь депутатъёс Александр Василенко но Валерий Бузилов. Озьы ик ужрадэ вуылӥзы партилэн Удмурт ёзэзлэн пӧртэм интыосысь 34 ёзаз пырисьёс.

Депутаъёс кенешизы партилэн проектъёсыз, лэсьтэмез но вуоно ужпумъёс сярысь
Фото: udmurt.er.ru

Конференцие люкаськемъёс йылпумъянъёс лэсьтӥзы туэ ар ӵоже тыршемзылы, чаклазы вуоно арлы быдэстоно ужъёсты. Туннэ нуналлы партилэн Удмурт ёзаз 28 сюрс 895 мурт лыдъяське. Азьвыл аръёсын ӵошатыса, лыдпус кулэсмиз. Но таӵе югдур асьме дорын гинэ ӧвӧл, быдэс кунамы. 
— Но азьвыл сямен ик калык асьмелы оскемзэ вера: тае возьматӥзы Куара сётонъя огъя нуналэ ортчем быръёнъёс. Кун Кенеше депутатъёсты Ижысь 2 округъя бырйыку, тужгес но трос куара люказы партилэн Удмурт ёзэзлэн ӵектэм кандидатъёсыз. Но буйгатскыны вазь: 2024-тӥ арозь асьмеды витё пӧртэм ёзъёсы уно быръёнъёс. Вуоно арын Иж городлэсь Думазэ выльдомы, со бӧрсьы ик дасяськоно луоз Кун Думае 2021-тӥ арын ортчоно быръёнъёслы. Удмурт ёзмылы эшшо но чырмыт ужано, — люкаськемъёслы вазиськиз секретарь Владимир Невоструев.
Партилэн Удмурт ёзэзлэн бурд улаз пырись ваньмаз ёзъёсаз туэ ортчизы «Огъя Россилы» сӥзем нуналъёс. Та ужрадъёсын калыклэсь но куронъёссэ санэ басьтӥмы, интыосысь ёзъёсмылэсь но ужзэс ӟечгес радъямы. Со сяна, ёросъёсы потаку, кенешимы муниципал округъёсты кылдытон ужпум сярысь. Интыосысь кивалтонъя ёзъёсын та выльдӥськон ласянь валэктон уж нуимы, пусйиз В. Невоструев.
Нацпроектъёсын ӵош шаерамы пыӵало «Огъя Россия» партилэн Удмурт ёзэзлэн уно проектъёсыз. В. Невоструев пусъемъя, шаерамы тужгес но паськыт быдэсъясько «Чакла тазалыктэ», «Кузьма библиотекалы книга», Тазалыко армия» проектъёс. Партиецъёс соосты пыӵатонэ мылысь-кыдысь пырисько. Кылсярысь, калык пӧлын валэктон уж нуо диспансеризациез ортчон ласянь, 1 сюрслэсь ятыр книга кузьмазы элькунысьтымы библиотекаослы но трос мукет ужъёс.
Партиецъёс нуналлы быдэ бадӟым уж нуо калыклэсь куронъёссэ кутон но кивалтӥсьёс дӥнёзь вуттон ласянь. Туэ басьтӥськизы «наливайкаосын» нюръяськон борды. Уно ӝожтӥськонъёс вуэмын угось: улон юртъёсысь куд-ог сэрегъёс, кафе-бар чот карисько но, курытэныз уен-нуналэн вуз каро. Кичӧлтонмы кисьмаз законозь — солэсь проектсэ Кун Кенеш эскерыны келяз Кун Думае. 
Нацпроектъёслэсь быдэсъяськемзэс но партиецъёс сак чакласа возё. Кылсярысь, соос чотын пуктӥськись котькуд объект борды юнматэмын нимаз адями. Со чакласа возе, дыраз-а ӝутскозы яке выльдэмын луозы социальной юртъёс, сюресъёс, азбаръёс, санэ басьтэмын-а калыклэн вань куронъёсыз.
— Объектъёсты чакласа возиськомы кадь но, куд-огез ӝегаса пуктӥсько. Оло, объектъёс борды юнматэм муртъёсты воштыны дыр вуиз? Та ужез осконо шаплыгес, ужлы устогес ёзчиосмылы. Нацпроектъёслэсь быдэсъяськемзэс угось вуоно арын эшшо но золгес чаклалом, — интыосысь ёзъёслэн секретарьёссылы вазиськиз В. Невоструев.
Конференциын кенешизы «Огъя Россия» партилэн 19-тӥ съездаз келяно делегатъёс сярысь но — со ортчоз туэ 23-тӥ ноябре. Отчы быръемын 6 делегат.

Елена Никитина

Ангелина Снигирева
By Ангелина Снигирева 30 октября, 2019 15:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<