Дан лыктэ заводын

Удмурт Дунне
By Удмурт Дунне Октябрь 7, 2019 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Тӧро Александр Бречалов вуылӥз Вотка городэ. Отын пыриськиз Вотка заводлы 260 ар тырмонэз, озьы ик Машина поттӥсьлэсь нуналзэ пусъён ужрадъёсы.

Кылем арын воткаос вормисе потӥзы Россиысь пичи городъёс пӧлын ортчем конкурсын. Озьы карзэс чебертыны 100 миллион манет утӥзы. Калык мылкыд кариз та уксёен П. Чайковскийлы сӥзем «Арлэн вакытъёсыз» парк лэсьтыны — со интыяськоз Вотка тымет дурын. Лэсьтӥськон мытэмын вал туэ апреле. Вотка городлэн йырыз Алексей Заметаев верамъя, туэ ар пумозь парк йылозяз-пумозяз вуттэмын луоз.

Вотка тымет дурын парк кылдэ.
Туспуктэм udmurt.ru сайтысь.

Озьы Воткаын ужан нуналзэ Тӧро А. Бречалов тымет дурын кутскиз: парклэсь пуктӥськемзэ чаклаз. Шутэтскон-поръян интыос сяна, та паркын инъямын луозы мугорез кыдатон комплекс, велосипедэн ворттылыны нимаз сюресъёс, озьы ик луоз синпелетъёслы чаклам интыез но. Тӧро ӟечен пусйиз воткаослэсь тыршемзэс, сӥзиз городлэсь улонзэ радъян уже тазьы ик мыло-кыдо пыриськыны.

Бӧрысь А. Бречалов дыртӥз «Юбилейный» культурая двореце. Отын сое чидатэк витизы одӥг выжыысь потэм Быстров но Баталов семьяос. Соос социальной сетьёс пыр Тӧролы вазиськиллям: туэ, пе, пыриським «Ужась династиос» конкурсэ — «Арлыдоез династия» номинациын 1-тӥ интые потӥм. Выжымылэн огъя ужан стажез 704 арлэсь тросгес люкаськемын — ваньмы тыршемын но тыршиськом Воткаысь заводын. Туж, пе, потэ заводмылы 260 ар тырмонэз тӥледын ӵош пусъеммы, лыктэ куное. Александр Бречалов ӧтёнзэс санэ басьтӥз: «Юбилейный» юртын соос, одӥг ӝӧк сьӧры пуксьыса, чай юизы, та династилэн улэм-вылэмез сярысь кенешизы. Пумиськон туж шуныт ортчиз.

Та бӧрсьы Тӧро пыриськиз Воткаысь заводлы 260 ар тырмонэз, озьы ик Машина поттӥсьлэсь нуналзэ сӥё-дано пусъён ужрадэ.

— Воткаысь завод Россилэн историяз бадӟым инты басьтэ, — заводын ужасьёслы вазиськиз Александр Бречалов. — 260 ар ӵоже ини тӥледлы оскемын бадӟым уж — ож тӥрлыкез, озьы ик промышленностьын но калыклэн улоназ кутӥськись арбериосты поттон. Нокыӵе шуг-секытъёс ӧз куасалтэ заводэз, со ушъямон тырше та вакытэ но. Соин ик 260 ар — со кутскон гинэ, вань ӟечез ай азьпалан.

Воткаысь заводлэсь кивалтӥсьсэ Виктор Толмачёвез Тӧро пусйиз «Удмурт Республикалэн дано гражданинэз» нимын. В. Толмачёв тау кариз но заводчиослы вазиськиз: та мынам гинэ ӧвӧл, ваньмылэн вормонмы!

Сергей Захаров

Удмурт Дунне
By Удмурт Дунне Октябрь 7, 2019 11:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<