Визьзэ сыналоз Тол бабай но

Ангелина Снигирева
By Ангелина Снигирева 28 октября, 2019 12:50

1-тӥ шуркынмонэ быдэс дуннеын гожтозы Россиысь калыкъёслы сӥзем Бадӟым этнографической диктант.

Та бадӟым проект шаерамы вордскиз шуыса, туж данъяськоно, шуэ нациосын ужан политикая министр Лариса Буранова.

— Проект сюлэм­шугъясь­кы­тӥсь югдурен сэрен 2016-тӥ арын кыл­дӥз, — шуэ со. — Чаклам: Россиысь калыкъёслэсь этнографизэс дышетонлы школаосын туж ӧжыт дыр висъяське. Мукет адямиез, солэсь культуразэ тодэм-валамтэысь, кышкан но вожпотон кылдо, нош мукет калыкъёсты тодон эчешонъёстэк улонлэн инъетэз луэ.

Диктант гожтӥсьёсты пумитаны дась Москваысь 739, Удмуртиысь 233 инты. Мукет улосъёсын но дасяськон мынэ. 29-тӥ октябрёзь площадкаослэн лыдзы йылоз ай. Туэ диктант гожтозы Шарканысь Тол бабайлэн резиденцияз. Нош Эгралан диктант гожтӥсьёсты серекъятоз Лӧпшо Педунь. Радъясьёс оско: Россиысь калыкъёслэн выжыкылъёсысьтызы мукет геройёслэн но диктант гожтыны мылкыдзы луоз. Со сярысь вераз ини Великий Устюгысь Дед Мороз.

Котькуд улосын диктант кутскоз 11 часын. Сое гожтон понна регистрация ортчыны кулэ ӧвӧл — асьтэлы кельшымон площадкае мынэ. 45 минут ӵоже 30 юанлы валэктон сётоно луоз. 20-зэ юанэз дасязы Россиысь Наукаосъя академиысь этнографияя но антропологияя институтын. Эшшо 10-сэ котькуд улос нимысьтыз малпа.

Визьдэс дорады, диктантлэн www.miretno.ru вотэс бамаз но, сынаны быгатоды. Онлайн тест усьтэмын луоз 1-тӥ-4-тӥ ноябре. Сое гожтӥсьёс оценказэс соку ик тодозы, нош площадкаосын гожтӥсьёслы 12-тӥ декабрёзь витёно луоз.

Кылем арын шоро-куспо результат 55 балл вал. Школаын со понна «3» пуктысалзы. Но оценка, Л. Буранова верамъя, валтӥсез ӧвӧл. Диктантэз гожтэм мурт, дораз бертыса, тодымтэ юанлы валэктон мед утчалоз, солэн выль тодон-валан басьтэмез мед потоз. Тунсыко потӥм ке ог-огмылы, ӟечгес тодӥмы ке ог-огмес — эшъяськыса улом.

Виктория Крамова

Ангелина Снигирева
By Ангелина Снигирева 28 октября, 2019 12:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<