«Арлэн маршрутэз» конкурсын дунъямын Удмуртиысь 6 проект

Ангелина Снигирева
By Ангелина Снигирева 30 октября, 2019 09:32

Туризмъя федерал агентство кичӧлтэмъя, улосъёс пӧлын туэ 6-тӥзэ радъяськиз «Арлэн маршрутэз» конкурс. Та нуналъёсы солэн финалэз нырысьсэ ортчиз Ижын. 

Удмуртиысь туризмъя 6 проект устоен лыдъямын
Туспуктэм басьтэмын Юлия Михалёвалэн «ВКонтакте» бамысьтыз

«Арлэн маршрутэз-2019» конкурсэ 542 проектэнызы пыриськизы 63 улосъёс. Нош финалэ потӥз 43 улослэн 168 проектэз. Тужгес устооссэ пусъён ужрад ортчиз Ижысь кун филармониын. Шумпотымон: пӧртэм номинациосъя вормисе потӥзы Удмурт шаерлэн 6 проектъёсыз. Кылсярысь, «Влюбиться в Удмуртию. Глазов. В греческом зале», Ижлэн туризмъя картаез, «Влюбиться в Удмуртию. Ешь, трудись, люби», «Высокий берег», «Влюбиться в Удмуртию. Игра. Пельменный маршрут» но «#УдмуртияУгощает». 
Устоосэ проектъёсты пусъён ужрадэз усьтыса, Тӧро Александр Бречалов пусйиз: 
— Кылем арын асьме доры шаеренымы тодматскон вылысь вуылӥз 500 сюрслэсь ятыр адями. Асьмеос азьын сылӥсь ужпум — туристъёсты гочатон, шаермылэн чебереныз но узыр культураеныз тодматон, та улсын табыш поттон но улосмылэсь экономиказэ ӝутон. Удмуртилэн та ласянь туж тро проектъёсыз. 
Та ужрадын ик возьматэмын вал Удмуртилэн вуоно арлы событиосын календарез. Отчы пыртэмын 64 учыр. Соос пӧлысь уноез герӟаськемын Удмуртилэн автономия басьтэмез дырысен, озьы ик М. Калашниковлы 100 ар тырмонэз пусъёнэн. Календаре пыртэмын «Удмурт дунне» газетлэн куасэн бызьылонъя 57-тӥ ӵошатсконэз но.

Елена Никитина

 

Ангелина Снигирева
By Ангелина Снигирева 30 октября, 2019 09:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<