Улэп кадь ик…

Ангелина Снигирева
By Ангелина Снигирева Сентябрь 6, 2019 15:51

Ижысь техникая кун университет борды сӥё-дано усьтэмын Михаил Тимофеевич Калашников конструкторлы синпелет. Сое сӥё-дано усьтон ужрад ортчиз та нуналъёсы.

Синпелетэз усьтон
Фото: ИжГТУ-лэн пресс-службаез

Талэсь азьло та интыын сылӥз М. Калашниковлэн бюстэз гинэ. Но туэ апреле сое интыязы техникая университетлэн валтӥсь корпусаз, пуктӥзы калык адӟымон интые. Вылез синпелет бюстлэсь шӧдскымон бадӟым. Михаил Тимофеевич, кияз книга кутыса, сылэ, азьлань учке. Синпелет бордысь борддор вылын гожтэмын солэн нимыз-тулыз, пуктэмын кинюртэмез.
Быдэстӥз синпелетэз Россиысь Суредаськисьёслэн огазеяськонзылэн ёзчиез, элькунмылэн Кун премиезлэн лауреатэз Павел Медведев. М. Калашниковен соос эшъёс вылӥллям. Конструктор сярысь тодэ ваёнъёссэ — туссэ, мугорзэ — пыӵатыны быгатэм синпелетлы но: со чылкак улэп кадь адске.
Пусйыны кулэ: та интыын ик радъямын луоз сквер, озьы синпелетэн ӵош кылдоз рос-прос мемориал инты. Сое лэсьтыны чакламын нацпроект чотын.
Нялтас вераса, М. Калашниковлы сӥзем синпелетъёс кунамы ваньзэ-ӧвӧлзэ 7, со пӧлысь 4-ез сылэ Ижевскын.

Елена Тугашова

Ангелина Снигирева
By Ангелина Снигирева Сентябрь 6, 2019 15:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<