Улонысь кошкиз тодосчи Альберт Разин

Ангелина Снигирева
By Ангелина Снигирева Сентябрь 13, 2019 09:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Альберт Алексеевич Разин — философия наукаосъя кандидат, Удмурт Элькунлэн наукаосъя дано ужасез, Трокай Борисов нимо премилэн лауреатэз, Алнаш ёрослэн дано муртэз. Вордӥськиз 1940-тӥ арын 12-тӥ июне Алнаш ёросысь Кузьымгуртын.

А. Разин

1962-тӥ арын йылпумъяз Удмурт пединститутэз. Быдэс улонзэ сӥзиз адямилыкез эскеронлы — 1992-тӥ арын пыриськиз УдГУ-ысь Адямилыкез эскеронъя институт кылдытонэ, солэн кивалтӥсез луиз. 1990-тӥ аръёсы удмурт движениез улӟытӥсьёс пӧлын вал. Ас дыраз «Дэмен» огазеяськонэн кивалтӥз. Трос кужымзэ понӥз Гербер удмурт праздникез улӟытонлы, сое дэмен — быдэс элькунэн — пусъён сярысь сюлмаськиз.

Кулӥз 2019-тӥ арын 10-тӥ сентябре асэныз радъям пумитъяськон ужрадын, ассэ вӧсь карыса.

Альберт Разин бырем пумысен кайгыремзэс верало кивалтӥсьёс но огшоры адямиос, Удмуртиын но палэнын улӥсьёс.

«Удмурт дунне» газетлэн валтӥсь редакторез Зинаида Рябинина:

З. Рябинина

10-тӥ сентябре Удмуртиысь Кун Кенеш азьын шимес учыр луиз — тодмо удмурт тодосчи но азьветлӥсь Альберт Разин ассэ ачиз ӝуатӥз.

Та нуналэ 10 часын ӵукна Кун Кенешлэн сессиез кутскыны кулэ вал. Со азьын тодосчи кияз плакатъёсын пумитъяськон ужрадэ потӥз — огаз ӟуч кылын гожтэмын вал «Вань-а мынам Атыкай музъеме?», нош мукетаз — тодмо дагестан (авар) кылбурчилэн Расул Гамзатовлэн чуръёсыз: «Ӵу­казе анай кылы быриз ке, мон туннэ ик дась ни бырыны…» Сессие вуись депутатъёслы солэн юрттӥсьёсыз люкылӥзы азь­ветлӥсьлэсь вазиськонзэ — тросэз соос гер­ӟаськемын удмурт кылэз школаосын одно дышетонэн но кун учреждениослэн ужазы кутонэн.

Та ужпум тодосчиез котьку сюлмаськытӥз, со сярысь со котькытын шара вералляз, ӵе­мысь — ас малпанзэ кужмысь пы­ӵа­тыны выриз, куатаськылӥз-йыр­куръясь­кылӥз, но нокин ӧз малпалля, адямилыкез эскерись тодосчи аслэсьтыз улонзэ озьы йылпумъялоз шуыса. Альберт Алексеевич больницаын ку­лӥз — солэн 90 процентэз мугорыз ӝуа­мын вал. Следствиея управленилэн кивалтӥсез Руслан Тугушев верамъя, али пӧртэм эскерон ужъёс мыно, эшъёсызлэсь, тодмоосызлэсь, адӟисьёслэсь юаллясько. Ӝутэмын «адямиез ассэ быдтонозь вуттон» статьяя уголовной уж.

Альберт Алексеевич висъясь­кылӥз йӧспӧртэм сямыныз, улон шоры учконъёсыныз — со ваньмызлы тодмо. Сюлэмыз ӧз веськалля туала улон сямъёслы, выриз вашкалазэ утьыны, сямъёсты берыктыны. Уг ватӥськы, милям но малпанъёсмы куддыр ваче шуккиськылӥзы, кӧтыз ӝож луылӥз, куке ваньмыз материалъёсыз газет баме ӧз поталэ. Но редакцие арнялы быдэ вуылӥз, та мынам газетэ, шуылӥз.

Мон гажасько, куке адямиос ӟеч ужлы трос кужымзэс сёто, ас малпанзы понна нюръяськыны быгато, но мукет амалъёсын! Тазьы адямилыко ӧвӧл ук, Альберт Алексеевич! Ӝуам бервылын сяська уд будэты…

Сергей Захаров

Ангелина Снигирева
By Ангелина Снигирева Сентябрь 13, 2019 09:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<