Туннэ, 10-тӥ сентябре, Удмуртиысь Кун Кенешлэн юртэз азьын кышкыт учыр луиз

Ангелина Снигирева
By Ангелина Снигирева 10 сентября, 2019 14:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пикетэ огназ потэм тодмо удмурт учёной, философия наукаосъя кандидат Альберт Разин ассэ кенжытӥз.

Югдур луэм бервыл
Фото: Удмурт дунне

— Та учыръя Удмуртиысь Следствиея управление кутскиз ортчытыны эскерон. Собере гинэ быгатомы, ма муген таӵе югдур кылдӥз, кинъёс отчы пыриськизы. Законъя таӵе эскеронлы 3 сутка сётӥське, куддыръя сое радъянлы 10 нунал висъяське. Нош эскерон ортчытыны ватсаса экспертизаос кулэ ке — ӵапак та учырын сямен тодоно, кыӵе ӝуатӥсь суретъёс кутэмын вал — соку 30 нунал сётӥське, — ивортӥз Удмуртиысь Следствиея управленилэн кивалтӥсез Рустам Тугушев.
Адӟисьёс верамъя, Кун кенешлэн сессияз вуись депутатъёслы А. Разин удмурт кылэз но калыкез утён сярысь вазиськон люкылэм.
Ӝуась муртэ кысыны огнетушительёсын бызизы Кун Кенешысь охранникъёс, машинаосысь водительёс, вуизы тылпу кысӥсьёс, «скорой».
Сутскем адямиез нуизы 1-тӥ Элькун больницае. Эмъясьёс верамъя, тодосчилэн мугорыз зол ӝуамын, со туж секыт сӧсырмемын.
Та учырен валче сессия мукет дырлы выжтэмын.

Сергей Захаров

Ангелина Снигирева
By Ангелина Снигирева 10 сентября, 2019 14:12