Ракетаос сяна, калыклы арбериос поттоно

Ангелина Снигирева
By Ангелина Снигирева 10 сентября, 2019 11:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн Тӧроез Александр Бречалов но Удмуртиысь промышленностья предприятиослэн кивалтӥсьёссы вуылӥзы Ижысь «Энергомаш» предприятие. Татын соос пумиськизы «Роскосмос» госкорпорацилэн кивалтӥсеныз Дмитрий Рогозинэн.

Д. Рогозин Удмуртиысь предпритияосын кенешон радъя
Туспуктэм басьтэмын udmurt.ru

Кенешон мынӥз Удмуртиысь предприятиослэсь но госкорпорацилэсь кусыпсэс азинтон, огазьын ужез радъян пумысен. Элькунысьтымы предприятиослэн кивалтӥсьёссы асьсэлэн уженызы но проектъёсынызы тодматӥзы, госкорпорацие пырись заводъёсын лэсьтӥськись продукциен тунсыкъяськизы.
«Роскосмос» та дырлы Удмуртиысь валтӥсь комплексъёсын ужа ини, кылсярысь, Ижысь «Аксион-холдинген», радиозаводэн, Воткаысь заводэн но Механикая чепца заводэн. Пумиськонын огкылэ вуэмын вал: «Роскосмос» шаерысьтымы та но мукет предприятиосын (Ижысь «Купол» заводэн, «Калашников» концернэн, Камбаркаысь, Сарапулысь заводъёсын) ужзэ паськытатоз на.
Уж сярысь эшшо кенешыны А. Бречалов Д. Рогозинэз Удмуртие ӧтиз.
Пумиськонэз Удмуртиын ортчытыны — умой малпан. Ижкар но Удмуртия улонам бадӟым инты басьто. Михаил Калашников мынам дышетӥсе, визь-нод сётӥсе вал, — вераз Д. Рогозин. — Вылаз ик Удмуртиын предприятиосмы ужало ини, кылсярысь, Воткаысь завод. Выль организациосын но уж радъяны быгатом, вылды. Оборонно-промышленной предприятиослэсь ужзэс паськытатыны, калык понна пӧртэм пумо продукция поттыны Россилэн Президентэзлэн косэмезъя тыршиськом. Та ужпумез быдэстыны Удмуртиен кусыпмы бадӟым юрттэт сётыны кулэ. Оскиськом: Удмуртиысь промышленностья предприятиос калык понна но пӧртэм техника поттыны быгатозы. Нош та дырлы ми Удмуртие эмъян техника, робототехника но мукет тӥрлык ваён пумысен вераським ини.

«Энергомаш» предпритиятиен тодматскон
Туспуктэм басьтэмын udmurt.ru

«Роскосмослэн» заводъёсаз электротранспорт но потто. Удмуртиын калык транспортэз воштонэн валче А. Бречалов соин тунсыкъяськемзэ вераз. Тӧро верамъя, калык транспортэз выльдыны матысь 3-4 ар ӵоже ог 15 миллиард манет инвестициослы чакламын. Уже пыриськыны быгатоз Камбаркаысь машина лэсьтонъя завод.

Сергей Захаров

Ангелина Снигирева
By Ангелина Снигирева 10 сентября, 2019 11:58