«Почта России» М. Калашниковлэн 100 ар тырмонэзлы сӥзем почтовой марка поттӥз

Ангелина Снигирева
By Ангелина Снигирева 19 сентября, 2019 09:08

Сое калыклы адӟытэмын вал маркалы сӥзем нимысьтыз ужрад дыръя. Отчы пыриськизы Михаил Тимофеевичлэн нылыз, М. Калашников фондлэн президентэз Елена Калашникова, Удмуртиысь дано конструкторъёс, пыӵал тӥрлык лэсьтӥсьёс Владимир Ярыгин, Валерий Белобрагин, Владимир Суслопаров, Владимир Буданов.

Юбилейной марка вылын М. Калашниковлэн тусыз пуктэмын, автоматъёслэн чертёжъёссы суредамын. Таӵе маркаос ваньзэ-ӧвӧлзэ 35 сюрс мында поттэмын. Сӥё-дано ужрад дыръя нырысетӥ марка нимысьтыз штемпелен пусъемын вал. Тазьы пусъем арберилэн дуныз будэ, пе, сое яратыса филателистъёс басьто. Ужрадын басьтэм маркаоссэс пусйыны быгатӥзы вань мылкыд карисьёс.

УД

Ангелина Снигирева
By Ангелина Снигирева 19 сентября, 2019 09:08