«Огъя Роccия» партиысь адямиос эскерыса потӥзы Ижысь пыдын ветлон сюресъёсты

Ангелина Снигирева
By Ангелина Снигирева 18 сентября, 2019 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Уноез пыдын ветлон сюресъёс куронъёслы уг тупало

Соос учкизы, чакламын-а соос сӧсыр муртъёс, коляскаен ветлӥсь адямиос понна. 17-тӥ сентябре ортчем ужрадэ пыриськиз «Огъя Россия» партилэн общественной кенешезлэн «Кышкыт луисьтэм сюресъёс» проектэзлэн кивалтӥсез Борис Ломаев, министерствоосысь но ведомствоосысь адямиос, журналистъёс.
Нырысь ик, эскеремын вал Тимирязев ульчаысь «Пятёрочка» лавка дорысь сюрес. Та интыын лэсьтэм ужъёс пумысен общественникъёслэн юанъёссы ӧз кылдэ.

— Татын нылпи поликлиника, соин коляскаен ветлӥсьёс уно. Сюресэз тупатэм бере анай-атайёслы больницаозь вуыны капчигес луиз, — вераз партилэн исполкомезлэн кивалтӥсезлэн воштӥсез, город думаысь депутат Ольга Вежеева.
Кыкетӥез эскерем инты — Авангардной урамысь трамвай дугдылон инты.

Калыкен вераськизы общественникъёс

Трамвай дорозь сюрес рос-прос лэсьтэмын ӧвӧл, коляскаен ветлыны шугъяськоно, мылкыдзэс верало егит анайёс.
Общественникъёс эшшо учкизы на Кызьпу арама вӧзысь трамвай дугдылон интыез. Татын трос пӧртэм ужрадъёс ортчыло, трос калык люкаське. Но коляскаен нылпизэс ворттылӥсь анай-атайёслы сюрес вамен выжыны шугъясько. Нош толалтэ татӥ пыдын гинэ ортчод, верало та палъёсын улӥсь ижкаръёс.

Ижкарын коляскаен ветлӥсь адямиос сярысь сюлмаськыса лэсьтэм интыос пӧлын Кудрилэн урамез, — вера Б. Ломаев. — Отын асфальтэз ӟеч, но азбаре пыронтӥын ӝужыт бордюръёс вал. Но кивалтӥсьёс милемыз кылӥзы. Табере отӥ сӧсыр муртъёс но шугъяськытэк ветло. Таӵе воштӥськон лэсьтон понна трос коньдон но кулэ ӧз луы.
Матысь дырлы ӵектонмы вань, сӧсыр адямиос сярысь сюлмаськыса, та программая сюресъёсты тупатъянэз ваньмаз ёросъёсы вӧлмытон сярысь.

Сергей Захаров

Туспуктэмъёс: «Огъя Россия» партилэн пресс-службаез

Ангелина Снигирева
By Ангелина Снигирева 18 сентября, 2019 15:00