Крезьгурез вунэтоно ӧвӧл

Ангелина Снигирева
By Ангелина Снигирева Сентябрь 17, 2019 14:17

Ижысь филармониын бадӟым залэз выльдӥзы. Соин тодматскыны вуылӥз Удмуртиысь культурая министр Владимир Соловьёв.

В. Соловьёв но А. Фомин

Филармониысь сцена ог 3 метрлы паськытгес луиз, залысь выж тупатэмын, ӟеч вентиляция пуктэмын. Концертъёсты табере балконын но кылзыны-учкыны умой луоз. Зал филармонилэсь юртсэ пуктон вакытысен — 1983-тӥ арысен — тупатъямын ӧй вал ини.
— Али «Огъя Россия» партилэн «Пичи Дорлэн лулчеберетэз» проектэз улсын гуртъёсысь культурая юртъёсты выльдӥськом, — вераз Владимир Соловьёв. — Таин валче валан вуиз: филармониын, элькун учреждениын, зал туала куронъёслы кемаласен уг ни тупа. Озьы сое выльдыны элькун бюджетысь коньдон висъямын вал.
Табере Филармония дась вуоно арысь юбилейёсты пусйыны. Сезон куспын котыр ласянь данъяны ӧдъяло Пётр Чайковский композитор — 2020-тӥ арын вордскемез дырысеныз 180 ар тырмоз. Тулыс ортчоз искусствоосъя «Чайковскийлэн дор палъёсаз» фестиваль. Со Удмуртиын 63-тӥзэ радъяськоз ини.
Со сяна, сезон ӵоже Удмуртилэн кунлыкезлы 100 ар тырмонлы сӥзем концертъёс ортчозы. Удмуртиысь композиторъёслэн: Герман Корепановлэн, Геннадий Корепанов-Камскийлэн, Евгения Копысовалэн, Юрий Толкачлэн, Николай Шабалинлэн, Илья Петуховлэн но мукет крезьгурчиослэн — произведениоссы чузъяськозы. Та программа дасямын Удмуртиысь Композиторъёслэн огазеяськонэнызы ӵош.

Филармонилэн залэз выльдэмын, со 3 метрлы паськытгес луиз

— Жаляса верано, шаерысьтымы композиторъёслэсь крезьгурзэз бадӟым залын туж шер кылзыны луэ, — вераз Филармонилэн директорез Алексей Фомин. — Сое доразы кылзыны мылкыд карисьёс но шугомылӥзы — берлоосыз записьёс 1990-тӥ аръёсы гожтыса кельтэмын. Произведениос люкетэн-люкетэн гинэ гожъямын, куаразы но алама. Таин валче малпаськом выль записьёс дасяны. Удмуртиысь симфонической оркестрлэсь шудэмзэ гожтыса кельтом но кылзӥсь доры вуттыны тыршом.
Уз вуны «Италмас» ансамблен кема аръёс ӵоже кивалтэм, туэ улонысь кошкем Анатолий Мамонтовлэн нимыз но. Туэ «Италмас» ансамбльлы солэсь нимзэ сётӥзы, нош 25-тӥ октябре Анатолий Васильевичлы сӥзем «Ӟеч лу» буре ваён концерт ортчоз. Нялтас вераса, туэ «Италмас» дасяське Уйпал Кореяын концерт сётыны, нош та кунысь кырӟанъя но эктонъя ансамбль Иже вуылоз.

Анастасия Шумилова

Туспуктэмъёс: культурая министерстволэн пресс-службаез

Ангелина Снигирева
By Ангелина Снигирева Сентябрь 17, 2019 14:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<