Кияды — усто газет!

Ангелина Снигирева
By Ангелина Снигирева Сентябрь 30, 2019 15:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Зинаида Рябинина, валтӥсь редактор

Нош ик ушъяськыны муг сюриз. “Удмурт дунне” газет Россиысь национальной кылъёсын потӥсь “5 тужгес усто изданиос” конкурсын “Устоез газет” номинациын вормись луиз!

Та конкурс Национальной СМИ-ослэн ассоциацизылы луыса кыкетӥ арзэ радъяськиз, кылдытӥзы сое Якутиысь журналистъёс. Ассоциация верамъя, Россиын 60 выжы кылъёсын 2 сюрс пала газетъёс-журналъёс пото.
Ватытэк верано ке, ми туж возьмам та вормонэз. Кылем арысен — соку ортчиз нырысетӥез конкурс. Но вормиз Якутиысь газет. Ӧм юскиське (сотэк туэ выльысь ӧй сётысалмы заявка), но туж вожъяським — якутъёслэн «Кыым» (Тылгизьы) газетсы 23 сюрс экземпляр тиражен потэ, милям — 3500… Кызьы соос сьӧры уйиськод?
Нош туэ дунъязы «Удмурт дуннеез» — учкизы тусбуйзэ, пуштроссэ, лыдӟисьёсын ужамез, проектъёсын выремез… Озьыен, милям гожтӥськисьёсмы лыдӟо Россиысь тужгес усто национальной газетэз?! Данъяськыны кулэ кадь, но малы ке мылкыд сӥзьыл шӧмо…
Одӥг минут шумпотон понна аръёсын кыдано, астэ жалятэк, тыршоно, шуо спортсменъёс. Милям мышкамы — даур ӵоже тыршон, нош со минутмы ӧвӧл…
Вормисьёсты таяз арняе дунъязы Сочиын, отын ортчиз быдэс Россиысь журналистъёслэн бадӟым форумзы. Ми отын ӧй вал, малы ке шуоно форуме пыриськон шимес дуно. Соин та нуналэ милям журналистъёсмы каблукен сцена вылэ ӧз тубе, резинка сапег кутчаса, потӥзы гуртоос доры, кылзӥськизы балезиноослэсь сюлэмбӧрдонзэс. Озьыен, ми ӧвӧл устоесь — ум быгатӥське бере коньдон дурыны? Но соку мар кароно балезиноослы, ми сяна, одӥг газет но соосты уг кылы, уг кылзы ке? Нош ми понна гожтӥськисьлэн сюлэмвисёнэз — милям но висёнмы, вормонэз — милям но шумпотонмы.
Соин ик тӥ но ми понна шумпотэ, ӟечкылам интые — гожтӥське! Ӵапак матысь дыре кутскоз пичиятэм дунын гожтӥськон декада. Тӥ ке лыдӟиськиды, газет но улоз, кылмы но уз быры, пыкылонъёс но ӧжытгес луозы.
Озьыен, вуоно номерозь?

Зинаида Рябинина

Ангелина Снигирева
By Ангелина Снигирева Сентябрь 30, 2019 15:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<