Ижын усьтӥськиз эшъяськонлы сӥзем сад

Ангелина Снигирева
By Ангелина Снигирева 4 сентября, 2019 09:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

15 пӧртэм калыкъёс Космонавтъёслэн паркысьтызы дендропарке писпуос мерттӥзы. Проект улонэ пыӵаз шаерысьтымы Ӟуч культурая огазеяськонлы луыса — со Россилэн Президентэзлэсь грантсэ утӥз. 

Сад мерттӥзы пӧртэм выжы калыкъёс
Фото: udmurt.ru

Ижысь Космонавтъёслэн парказы (интыяськемын Буммаш микрорайонын)кӧня ке ар талэсь азьвыл усьтӥзы дендропарк. Отчы пӧртэм сяськаос, писпуос мерттӥзы. Дыртӥсь городлэсь палэнскыса, татӥ туж ярато поръяны семьяос, пичи нылпиосын анай-атайёс. Но, валамон, город понна та сад пичигес вал. Соин ик дендропаркез паськытатон, вӧзаз Эшъяськон парк кылдытон туж иназ луиз. Ужрадэ пыриськизы Ижкарлэн йырыз Олег Бекмеметьев, нациосын ужан политикая министр Лариса Буранова, Индустриальной ёрослэн йырыз Любовь Зайцева но мукет кивалтӥсьёс, пӧртэм калык огазеяськонъёслэн азьветлӥсьёссы. 
Проектъя паркын котькуд выжы калыклы пичияк инты висъяськемын, сое котькудӥз ас мылкыдзыя чеберъяз. Кылсярысь, удмуртъёс муш уморто, поръёс пужыосын чебермам котрес ӝӧк но ӟусъёс, немецъёс пу вуко но уробо пуктӥзы, ӟучъёс самоварлэсь скульптура лэсьтӥзы… Котькуд калык аслаз висъетаз писпуос но мукет будосъёс мерттӥз на. Кылсярысь, ӟучъёс мерттӥзы кызьпу, удмуртъёс — кыз, еврейёс — улмопу, поръёс — тыпы, азербайджанъёс — туя, украинецъёс — уйпал абрикос, белорусъёс — шупу, бигеръёс — льӧмпу… 
— Паймоно кадь: милемлы висъям интые вуим но — шораз ик бадӟым кыз сылэ, — пусйиз «Удмурт Кенеш» огазеяськонлэн Октябрь ёросысь ёзэныз кивалтӥсь Валентина Ившина. — Юри малпам кадь — удмуртъёс уго та писпуэз туж сӥлы каро вал. Кыралысь кызэз шедьтыса, со доры пукон инты лэсьтылӥзы. Кызэз пӧртэм лентаосын чеберъяллязы. Татын вӧсяськизы Нюлэсмуртлы. Кыз сяна, удмуртъёс асьсэ сэрегазы палэзьпу мерттӥзы. Таиз, пе, лек кужымъёслэсь, висёнъёслэсь утьыны кулэ. Удмурт садэ пырисьёсты «Удмурт Кенеш» огазеяськонлэн азьветлӥсьёсыз перепечен куноязы, задор гуръёсын шулдыртӥз «Чильтэр» ансамбль. 

5-10 ар ортчыса, татын чебер сад пушъёз
Фото: udmurt.ru

— Мон оскисько: ог 5-10 ар ортчыса, татын туж чебер сад пушъёз, — Эшъяськон садэтӥ поръян сямен пусйиз Лариса Буранова. — Анай-атайёс нылпиосынызы ӵош ял карозы, соин ӵош тодон-валанзэс но узырмытозы. Угось котькуд азбар озьы лэсьтӥськоз — скульптураос, мерттӥськемъёс пыр быдэс калыклэн культураез, аспӧртэмлыкез, лулыз адӟиськоз… 
Ӟуч культурая огазеяськонлэн кивалтӥсез, «Русский дом» учрежденилэн директорез Виталий Тюльпин пусйиз: 
— Вань садъёсты утялтыса возёз «Русский дом» учреждение. Азьланяз выль проектъёс бордын ужаны чакласьком. Араз 3-4 выль сад мерттылом. Кыл сярысь, вуоно аре «Читай, Ижевск» парк мертом. Угось шаерамы сыӵе нимын фестиваль арлы быдэ ортчылэ. Нош чагыр малпанмы — оранжерея лэсьтыны. Али Ижын экзотика будосъёсты учкыны нокытысь, соин ик сыӵе оранежерея туж кулэ.

Елена Миннигараева

Ангелина Снигирева
By Ангелина Снигирева 4 сентября, 2019 09:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<