Ижын усьтӥськиз ож тӥрлыкен адӟытон

Ангелина Снигирева
By Ангелина Снигирева 18 сентября, 2019 17:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

18-тӥ — 21-тӥ сентябре Иж тымет дорын ож тӥрлыкен бадӟым адӟытон мынэ.

Иж тымет дорын ожгар техникаен адӟытон мынэ

Адӟытон радъямын 2 люкетлэсь. Павильонъёсы интыямын шаерысьтымы заводъёсын поттэм вуз, нош инбам улэ поттэмын ож техника но вашкала машинаос. Асьсэлэсь выль ож техниказэс, огшоры улонын кутӥськись продукцизэс возьмато Ижысь «Купол», «Концерн Калашников», «Радиозавод», «Аксион» огазеяськонъёс, Сарапулысь радиозавод, «Вотка завод», Ижысь Калашников нимо Техникая кун университет. Ужрадэ лыктэмъёс «Тор» но «Оса» зенитно-ракетной комплексъёсын, «Катюшаен», «Максим» пулемётэн, электромотоциклъёсын но мукет техникаосын тодматскыны быгатозы.

Нимысьтыз саклык висъямын выль «Тор-М2ДТ» зенитно-ракетной комплекслы. Сое лэсьто Ижысь электромеханикая «Купол» заводын, нимысьтыз Запольярьеысь инмез утёнлы шуыса. Та комплекс 32 иськемысен тушмонэз адӟыны, урод куазен но, пеймытэн но мыныкуз ик сое пуштытыны быгатэ. Асьме шаерын лэсьтэм комплексъёсты дышетсконъёсын гинэ уг эскеро, военнойёс ужазы но куто.
Та нуналъёсы Иж тымет дурын ужа полевой кухня, мылкыд карисьёс пӧртэм мастер-классъёсы пыриськыны быгато. Адӟытонэн тодматскыны луэ 10 часысен 20 часозь, павильонъёс ужало 18 часозь.

Валентина Емельянова

Туспуктэмъёс басьтэмын udmurt.ru сайтысь

Ангелина Снигирева
By Ангелина Снигирева 18 сентября, 2019 17:37