Дӥсьтонысь потэ вормон

Ангелина Снигирева
By Ангелина Снигирева Сентябрь 19, 2019 10:08

Эгра ёрос нуналлы быдэ выльдӥське. Ужамзэс чакланы вуылӥз Удмуртилэн Тӧроез Александр Бречалов, калыкен пумиськылӥз, Эгра шор ёзо школаысь нылпиослы урок ортчытӥз.

Дышетскисьёсын пумиськон

Черкогуртын лэсьтӥськон ужъёс вылысьтыз вылаз мытэмын. Кытын но отын быдэстэмын ни. Кылсярысь, Эгралась эшъяськон юрт калыкез табере бордаз кыске. Юрт 1968-тӥ арын пуктэмын. Туннэ 2-тӥ этажаз 26 кружокъёс ужало, ансамбльёс репетиция ортчытъяло. Нош 1-тӥ этажысь кинотеатрез выльдыны быгатӥзы, Кино фондлэн конкурсаз пыриськыса. Федерал бюджетысь утӥзы 5 миллион манет. Табере гуртоослы олокытчы ветлонэз ӧвӧл — асьсэ дорын бадӟым экран вылысь кино учкыны быгато.
Йылаз-пумаз вуэ ни Эгра больницаын ремонт. Али нылпи поликлиникаез тупатъяло. Татчы шудон комната, нылпиосты нонтон сэрег лэсьтэмын ни, ӝог юрттэт сётонъя кабинет кылдытэмын, больницалэн пырон котырез воштэмын. Валтӥсь врач Надежда Поздеева пусъемъя, 2 миллион 800 сюрс манетысь 500 сюрс манетсэ ширъяны быгатӥзы. Табере соин мебель басьтыны малпано.
Гуртоос возьмало роддом усьтэмзэс. Татын сое кӧня ке ар пуктыны выро ни. Но Александр Бречалов шуиз:

— Мон но малпасько вал, сое пуктыны кулэ шуыса. Но али валаськомы: отын нылпи вайись уз луы. Уноез анайёс городъёсысь роддомъёсын нылпи ваё. Соин ик сюлмаськоно сюресъёс лэсьтыны, нылкышноос капчиен сояз я таяз роддоме вуттӥськыны мед быгатозы шуыса.
Черкогуртын тани-тани ӧсъёссэ вӧлъялоз 80 интылы ясли-сад но. Собере усьтӥськоз эшшо собыдӟаез ик, мае чидатэк витё ни анайёс-атайёс. Угось 3 аресозь нылпиос пӧлын 400 пинал путёвка возьма. Та пӧлысь 1,5 аресысен 3 аресозь нылпиос гинэ 207 кузя.

Пиналъёс трос юанъёс сётъязы

— Ми малпаськомы, будӥсь поколениез валаськомы шуыса. Школаос, нылпи садъёс пуктӥськомы, сюрес лэсьтӥськомы. Нош мар соослэн йыразы — ум тодӥське. Нылпиосты кылон понна, соосын пумиськылоно. Соослы угось, 5-6 ар ортчыса, ужбергатонэ, предприятиосы кутсконо, гуртъёсты ӝутон борды басьтӥськоно, — шуиз Александр Бречалов.
Соин но Тӧро бадӟым классъёсысь нылпиосын пумиськиз. Нялтас вераса, табере таӵе пумиськонъёс сяме пыӵалозы. Нылпиослэсь асьсэлэн проектъёссы но куронъёссы вань ук. Кылсярысь, эграос возьмало бассейн. 4 ар талэсь азьвыл школа азбаре сое пуктон ласянь вераськон ӝутӥллям вылэм ни. Александр Бречалов пусъемъя, черкогуртын лэсьтыны чакламын мугор кыдатонъя бадӟым комплекс. Отын ик бассейн но луоз. Федерал бюджетысь вуоно арын сое пуктыны уксё ӧз луы ке, 2021-тӥ арын одно пуктозы. Нош Зура школаысь нылпиос Интернет герӟет пыр ӝожтӥськизы, гуртазы творчествозэс азинтыны, кружокъёс ортчытъяны рос-прос луонлык ӧвӧл шуыса. Нош милемлы, пе, училищеосы пыроно, асьмемыз кытын ке но возьматоно. Александр Бречалов югдурез рос-прос эскерыны косӥз. Зура угось огез бадӟымез гурт луэ. Нылпиос куро бере, культурая юртъёс 18 часын ик медам ворсаське, шуиз. Эгра школаысь нылпиос Удмуртилэн Тӧроезлы ӵектӥзы шаерысьтымы егит кылбурчиос пӧлын нимысьтыз конкурс радъяны. Эгра ёросамы ик гожъяськисьёс трос, кылбуръёссэс возьматэмзы потэ, нош печатласькыны нокытын, пе. Конкурс радъяськысал ке, со ортчем бере бичет но поттыны мед луысал, шуизы. Александр Владимирович пусъемъя, Удмуртилэн кылдэмез дырысен 100 ар тырмонлы сӥзем ужрадъёс пӧлын огез — творчествоя Ашальчи Окилы сӥзем конкурс радъян. Али сое котыр ласянь эскеро, кызьы сое мур пуштросо карыны луоз шуыса. Кин тодэ, ӵапак со конкурс улсын оло егитъёслы но асьсэды возьматыны луонлык кылдоз.
Дышетскисьёслы Александр Бречалов вазиськиз: юан сётыны, кыӵе ке ужпумез ӝутыны ноку эн кышкалэ, нырысетӥ вамыш лэсьтыны дӥсьтоно, соку вормонлы оскон кылдоз.

Елена Сараматова

Туспуктэмъёс басьтэмын udmurt.ru сайтысь

Ангелина Снигирева
By Ангелина Снигирева Сентябрь 19, 2019 10:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<