Выль рекордъёс пуктэмын

Ангелина Снигирева
By Ангелина Снигирева Сентябрь 6, 2019 15:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Куд-ог ёросъёс уборказэс йылпумъязы ни. Кӧс но шундыё куазь рос-прос ужаны луонлык сётӥз. Выль рекордъёс пуктэмын.

Вавожъёс уборказэс йылпумъязы
Фото: «Агропром Удмуртии»

Толэз потыны ичизэ 550 сюрс тонна ю-нянь кутсано, нош гуртоос 6-тӥ сентябрьлы 400 сюрс тонна ю люказы ни. Утялтэмын 73 процентэз бусыос, со зоръёсын сэрен бырем гектаръёсты но (73,1 сюрс га) лыдэ басьтыса. Котькуд гектарысь шорлыдын 24,8 центнер урожай потэ. Кылем арын та вакытэ лыдпус 20,8 вал. Тужгес трос урожай люкало Вавож ёросын — котькуд гектарысь 36,2 центнер басьто. Озьы ик чебересь лыдпусъёс Эгра ёросын — 31,5 центнер. Можга ёросын та лыдпус — 29,8 центнер.
Нимаз ёросъёсъя учконо ке, Вавож ёросысь «Удмуртия» СПК-ын гектарысьтыз воксё но 40 центнер ю калто. Татын тужгес трос урожай сётэ йыды — гектарысьтыз 52 центнер потэ. Чабей бусыосысь быдэсак утялтэмын ӧвӧл на ке но, Гранни сорт гектарысьтыз 67 центнер сётэ ни. Бадӟым урожаезлы луыса ик, хозяйствоын сое берло 10 арзэ кизё ни. Котькыӵе урод куазь медло, урожайтэк огпол но ӧз кельты на.
Выль рекорд пуктӥзы артысь Мичурин нимо предприятиын. Татын уборказэс йылпумъязы ни, котькуд гектарысь 44,1 центнер люказы. 2015-тӥ но 2017-тӥ арын 40 центнер ю бичаны быгатӥзы вал. Берло 2 арзэ тужгес ӟеч урожай сётэ Йолдыз чабей — гектарысьтыз 52 центнер люкаськиз, куд-ог участокъёсын 70 центнерозь но вуылӥз. Пусйыны кулэ созэ но: 44,1 центнер — со бырем бусыосты лыдэ басьтыса.
Али Можга ёросысь бусыосын 53-55 комбайнъёс ужало. Тужгес трос урожай люкаське «Россия» хозяйствоын — гектарысьтыз 40,9 центнер. Озьы ик паймытэ «Родина» предприятие — гектарысьтыз 39,6 центнер басьто. Ёросысь эшшо ньыль хозяйствоын гектарлы быдэ 30 центнерлэсь трос урожай люкало — со «Держава», «Трактор», «Югдон» но «Заря» предприятиосын.
Пичи Пурга ёросын уборказэс нырысь ик йылпумъязы «Восход» хозяйствоын. Татын 1 сюрс 500 тонналэсь трос ю тысь кутсазы, котькуд гектарысь 30 центнерлэсь трос урожай люказы.
Урод куазь шоры учкытэк, гуртоос берло 5 ар ӵоже сямен ик умой урожай басьтонлы оско.

Елена Сараматова

Ангелина Снигирева
By Ангелина Снигирева Сентябрь 6, 2019 15:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<