Выль даурен, удмурт книга!

Ангелина Снигирева
By Ангелина Снигирева Сентябрь 27, 2019 15:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиысь Кун Кенешлэн юртаз сиё-дано пусйизы «Удмуртия» издательстволы 100 ар тырмон юбилейзэ. Празднике пыриськизы шаерысьтымы кивалтӥсьёс, тодмо гожъяськисьёс, журналистъёс, пӧртэм улосъёсысь куноос.

Горд площадьын. Удмуртиын потэм книгаосын тодматско Москваын улӥсьёс но
Туспуктӥз: Г. Грязев

— 100 ар ӵоже издательстволэн бурд улаз 12 сюрслэсь трос пӧртэм книгаос поттэмын. Огъя тиражзы — 91 миллионлэсь трос, — пусъе «Удмуртия» издательстволэн директорез Юрий Кузнецов. — Республикаямы милям издательствомы гинэ поттэ нылпиослы вань куронъёсты лыдэ басьтыса лэсьтэм книгаос, удмурт кылъя но литературая, шаертодонъя учебникъёс, пособиос. Быгатэммыя тыршиськом удмурт кылбурчиослэсь, прозаикъёслэсь но ужъёссэс дасяны. Берло дыре бадӟым саклык висъяськом научно-популярной книгаосты поттонлы.

Книга кылдытон бордын быдэс команда ужа. Издательстволэн коллективез кӧня ке пол пусйылэмын элькунысьтымы бадӟым наградаосын, Удмурт элькунлы сӥзем энциклопедия бордын ужасьёс, удмурт учебник лэсьтӥсьёс пусъемын Удмурт элькунысь кун премиен.

«Удмуртия» издательстволэсь книгаоссэ зэмзэ но кие 
кутэм потэ, соос туж яркытэсь, чебересь — удмурт калыклэн зэмос зарни шыкысэз. Тужгес но бордазы кыско Удмуртилэн культураезлы, историезлы, шаертодонлы сӥземъёсыз. Соос пыр быдэс Россиысь но кунсьӧрысь адямиос Удмуртиен но удмурт калыкен матэгес тодматско. Ӵапак та удысъя книгаос ик Россиысь конкурсъёсын вылысьтыз вылаз вормонъёс басьто, кунысьтымы 50 устоосыз книгаос пӧлы пыро. Та нуналъёсы гинэ «Мифы, легенды и сказки удмуртского народа» но «Удмурты: тайна тамги» книгаос Россиын ортчись «Арлэн книгаез» ӵошатсконын вормисе потӥзы, асьме издательство 32 улосъёсысь 70-лэсь трос издательствоосты азьпалтӥз.

Сӥё-дано ужрадын данъямын удысысь ветеранъёс, али ужасьёс
Туспуктэм: Кун Кенешлэн пресс-службаез

Зарни юбилейзэс «Удмуртия» издательствоын выль малпанъёсын, выль книгаосын пумитало.

— Туэ ар пумозь «Сарапул — жемчужина Прикамья» но «Секреты удмуртских мастеров» книгаосты дасялом на. Соосты поттон понна Россиысь печатья но иворъёсты вӧлмытонъя агентстволэсь грантсэ утӥмы. Озьы ик ӝоген «пыжоз» «Удмуртская народная кухня» книга, — шуэ Юрий Кузнецов. 

Елена Миннигараева

Ангелина Снигирева
By Ангелина Снигирева Сентябрь 27, 2019 15:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<