Арлыдоос понна фестиваль

Ангелина Снигирева
By Ангелина Снигирева Сентябрь 30, 2019 14:36

Арлыдоослэн калыккуспо нуналзылы сӥзьыса, Калыкез улон-вылонын утёнъя но ужъя министерство нырысьсэ радъя 3 нуналъем фестиваль. Со ортчоз 30-тӥ сентябрьысен 2-тӥ октябрёзь.

Корнилов
Фото: «Удмурт дуннелэн» архивез

Берло аръёсы шаерысьтымы песянай-песятайёсты пумиталлязы циркын но зоопаркын. Туэ ужрадъёс паськытгес вӧлскозы. Соос ортчозы Ижысь Шор площадьын но зоопаркын.

30-тӥ сентябре бадӟым саклык висъялозы тазалыкез утёнлы. Радъяськозы зумба эктонъя, йогая, фин (скандинав) амалэн вамышъянъя мастер-классъёс. Зоопаркын ортчозы эмъясьёсын кенешонъёс, экскурсиос.

1-тӥ октябрь сӥземын тунсыко адямиосын но экспертъёсын пумиськонъёслы. Кылсярысь, одӥгаз пумиськонын пыр-поч вералозы, кызьы тодмано коньдонэз пӧртэм амалъёсын портыны вырисьёсты. Солы сӥзем лекция-практикум ортчытозы банкысь экономистъёс. Быгато-а арлыдоос волонтёр кариськыны — та юанлы валэктозы Удмуртиысь Егитъёслэн центразы ужасьёс. Кызьы 60-70 аресын гожъяськись луоно — та удысъя кенешон радъялозы Россиысь Писательёслэн огазеяськонзылэн ёзчиосыз. Со сяна, трос пумиськонъёс ортчозы историкъёсын, психологъёсын, экономистъёсын но мукет.

2-тӥ октябрь — киужез яратӥсьёслэн нуналзы. Тужгес трос мастер-классъёс ортчозы зоопаркын. Соосты радъялозы ёросъёсысь киужъёсъя центръёсын ужасьёс но, мукет кибашлыос но. Уз вунэтэ бакча ужъёсты — соослы сӥземын сяська мерттонъя мастер-классъёс. Озьы ик песянай-песятайёсты «Разделяйка» акцие пыриськыны ӧтёзы. Экспертъёс вералозы, кызьы жуг-жагез висъяно, мае кутыны луэ переработкае, кызьы та амаллы мӧйыос асьсэлэсь внукъёссэс дышетыны быгатозы.

Вань ужрадъёсы пырон дунтэк луоз быдэс шаерысьтымы 55 арессэс ортчем кенакъёслы но 60-зэс тырмытэм воргоронъёслы. Эн вунэтэ сьӧрады ӧтьыны нылпиостэс но нунокъёстэс.

Фестивальлэн программаеныз пыр-почгес тодматскыны луоз minsoc18.ru сайтын. 

Елена Скворцова

Ангелина Снигирева
By Ангелина Снигирева Сентябрь 30, 2019 14:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<