Адями но корт

Ангелина Снигирева
By Ангелина Снигирева 6 сентября, 2019 15:28

Ижысь Суредаськон искусствоосъя музейын «Адями но корт» адӟытон усьтӥськиз. Сӥземын со М. Калашниковлэн вордскемез дырысен 100 ар тырмонлы.

«Адями но корт» адӟытон усьтӥськиз. Со сӥземын М. Калашниковлы 10 ар тырмонлы
Фото: Суредаськон искусствоосъя музейлэн бамысьтыз

Ас ужъёссэс возьмато шаерысьтымы дано суредасьёс: Алексей Холмогоров, Семён Виноградов, Пётр Семёнов, Александр Кокорин, Виктор Котляров но мукетъёсыз. Озьы ик ас ужъёссэ нырысьсэ возьматэ Ижысь егит суредась Дмитрий Коротаев.

Борис Постниковлэн адӟытонэ поттэм одӥгез ужез «Адями но корт» шуыса нимаське. Суредась пусъе: бадӟым завод — со нырысь ик адямиос. Шаерысьтымы суредасьёс ас ужъёсазы возьмато Ижысь промышленностьлэсь азинскемзэ: пыӵал тӥрлык лэсьтонэз, корт дуронэз, машина но мотоцикл поттонэз. Адӟиське: аръёс ортчемъя адямиослэн ужан интызы но выльдӥське. Инженеръёс, ваньзэ пыр-поч лыдъяса-чотаса, чертёжъёс лэсьтылӥзы, табере соос интыын конструкторъёс, дизайнеръёс, гравёръёс, суредасьёс ужало. Соослэн кортлэсь кылдытэм ужъёссы искусствоя зэмос произведениослы укшало.

Суредасьёслэн ужъёссы сяна, адӟытонэ поттэмын Леонард Васев нимо школаын дышетскисьёслэн ужъёссы, Ижын поттэм машина-мотоциклъёслэн эскизъёссы но модельёссы/

Елена Тугашова

Ангелина Снигирева
By Ангелина Снигирева 6 сентября, 2019 15:28