Ӵошатскиз 250 спортсмен

Related Articles

• Хоккей — визьмо воргоронъёслэн шудонзы 0 26.Июн
• Вамышъян кузьма шумпотон 0 28.Авг
• Ижын ортчоз хоккеен шудонъя М. Т. Калашников нимо турнир 0 25.Окт

11-тӥ августэ Воткинскын триатлон-спринтъя Россилэн кубокезлэн ӵошатсконъёсыз радъяськизы. Нимаз вожвылъяськизы любительёс но профессионалъёс.

Воткинске лыктӥзы Россилэн пӧртэм сэрегъёсысьтыз но Удмуртиысь ог 250 спортсменъёс. Ӵошатсконэз усьтӥз Удмуртиысь Правительстволэн Тӧроез Ярослав Семёнов. Кивалтӥсь пусйиз: нырысьсэ шаерамы триатлонъя вожвылъяськон ортчиз 31 ар талэсь азьло. Отчы пыриськизы вал 20 спортсменъёс, туннэ вормон понна нюръяськизы 100 профессионалъёс но 150 любительёс. Соос 750 метр уязы, 20 иськем великен ворттылӥзы, 5 иськем пыдын бызьылӥзы. Профессионалъёс пӧлын вормизы Красноярск улосысь Андрей Моисеенко но Ростов улосысь Татьяна Лихторович. Любительёс пӧлын кужмо вал Удмуртиысь куасчи Максим Вылегжанин.

— Триатлон кӧня ке спорт малъёсты огазея, ваньзылы ӵектӥсько асьсэлэсь кужымзэс эскерыны, — мылкыдзэ вераз удмурт спортсмен.

Ваньмыз вожвылъяськонэ лыктэмъёс ужрад ӟеч дасямын шуыса пусйизы.

Cергей Захаров